琴日為大家推介左減肥界嘅新寵兒——菠蘿，但無理由日日都食菠蘿咁無新意。今日小編就為大家推薦三款來自日本米芝蓮星級大廚所介紹嘅減肥聖物，等大家係今個夏天輕鬆食住瘦。

1. 減肥神器青瓜

日本米芝蓮二星級總廚野野崎洋光親身實踐減肥食譜，野崎師傅透過餐前一條青瓜，從原本嘅68公斤瘦到57公斤。足足瘦左11公斤，相當誇張。

#點解青瓜可以減肥？

日本電視節目《得する人、損する人》中專門家解釋，青瓜含有非常豐富嘅分解酵素「磷脂酶」，可以協助分解脂肪、促進消化，達到瘦身的效果。雖然其他蔬菜亦有磷脂酶成分，但青瓜所含有既磷脂酶最多，亦代表住青瓜分解脂肪能力比較強。

係每次正餐前食一條青瓜，跟住正常食飯就可以。但有兩個重點要注意！

#青瓜要生食

由於酵素不耐高溫，所以生食效果最理想，如果整熱會流失部份磷脂酶，效果自然無咁理想啦。

#每啖要咀嚼20次以上

充分地咀嚼可以更有效率咁吸收磷脂酶。

以下為各位姊妹提供幾個青瓜既食譜

1.  青瓜味噌醃菜

將100g味噌+30g原味乳酪混合，然後放入洗凈嘅黃瓜，用密實袋裝好，放入雪櫃4小時就可以食用了。 因為味噌同乳酪都係發酵食品，所以整漬物時可以有效減短所需時間，咁就可以係屋企輕鬆完成！

2. 雞肉醋青瓜蓉

將青瓜磨成蓉，磨蓉可以令酵素容易活動，最後放上雞胸肉上，雞胸肉含有氨基酸同樣有燃燒脂肪嘅效果，然後淋上柚子醋簡單調味即可。

有同樣效果踲食物仲有豆腐、金槍魚等，可以根據自己嘅喜好配搭。

咁到底呢體驗呢款食譜三個星期會有驚人嘅結果呢？

女藝人體驗食譜三周後，體重由原本的43.2kg減到40.7kg，腰圍由74cm減至64.5cm，減咗足足9.5cm！睇呢青瓜真係幫左唔少忙～

2. 蕎麥籽

另一位米芝蓮大廚推薦嘅減肥食物就係蕎麥籽，即使唔運動同無限制飲食情況下，一個月可以瘦8kg咁多。

#點解蕎麥籽可以減肥？

相信唔係太多姊妹知道蕎麥籽係咩。蕎麥籽含有一種阻抗蛋白質，能夠有效抑制脂肪嘅吸收。

阻抗蛋白質可以妨礙膽汁酸，阻止脂肪吸收並排出體外。除咗減肥，蕎麥籽仲有預防高血壓和脂肪肝嘅作用架。

#蕎麥籽要點處理

蕎麥籽係食用前需要處理一下，首先用清水浸泡1小時。然後用細火或中火煮15分鐘。用水洗凈表面嘅粘滑就可以，放雪櫃可以保存3天，所以唔洗一次整太多。

有興趣想試下蕎麥籽既姊妹不妨試試呢個食譜：

1.山藥泥蕎麥籽

做法是在500cc清水中，加入100cc料酒和100cc淡口豉油，倒入鰹魚碎，開火煮至微滾，過濾掉渣子，舀3勺蕎麥籽，放一層山藥泥，再倒入剛才煮好的湯即可。

呢個食譜嘅減肥效果拍得住青瓜！兩位藝人體驗了這個減肥食譜，分別從105.6kg減至98.8kg，106.2kg減至99.7kg，腰圍分別少咗9cm和7cm。

3. 洋葱乳酪

洋葱乳酪其實人氣減肥食譜之一，通便效果特別好，但有唔少朋友都話食到厭曬，今次就黎一個新做法，感受新味道啦！

傳統做法係將洋蔥切薄片，靜置30分鐘。將200g無糖乳酪同半勺鹽加入洋蔥片中，充分混合後即可。可直接食用，亦可以放置冷藏一晚再食，洋蔥會變軟更易入口。

係做好嘅洋蔥酸奶基礎上再加工。拎200g洋蔥乳酪，淡口豉油2勺，檸檬汁1勺，白芝麻2勺，將所有材料混合即可。

洋蔥乳酪含有乳酸菌能活化腸內細菌，腸內細菌會食咗洋蔥內嘅菊糖，從而產生短鏈脂肪酸，呢個就係可以令姊妹們瘦落黎嘅「瘦酸」。短鏈脂肪酸有活性化腸臟活動，提高新陳代謝，抑制脂肪吸收，抑制食慾等作用。

洋蔥乳酪既減肥成效亦當相不錯～女藝人體驗呢個減肥食譜後，體重由46.6kg減至41.1kg，腰圍由74cm減至62.5cm。

圖片：《得する人、損する人》電視節目截圖