今次郊遊習作同大家黎到長洲,一次過行曬小長城同張保仔洞,睇下奇石同名勝,實行行勻南長洲!
首先第一站行去關公忠義亭,呢度春天嘅時候會有櫻花,附近都會睇到宮粉羊蹄甲,詳情請睇長洲櫻花開咗啦!颱風過後依然堅強盛放!
沿路繼續行,無幾耐就見到小長城入口。小長城係長洲東面嘅一條遠足徑,因為全路都係使用石頭作為建築原材料,欄杆全部都係石欄,睇落去好似萬里長城,因而得名。小長城長850米,入口為觀音灣,經芝麻坑,終點是長洲的最東點玉璽石。途中我地都見到唔少巨石嘅標誌同觀望台,但唔係塊塊都搵得到,有興趣都可以仔細搵一吓。
離開小長城,向南氹灣進發,南氹灣唔大,個沙灘行幾步無曬,但都有佢獨特嘅美,呢度仲有座天后廟,向住大海嘅方向保祐漁民嘅平安。
南氹灣旁邊有條樓梯,上返去之後我地就向張保仔洞行,一路行半個鐘左右,見到張保仔洞嘅指示跟住行就得啦!留意返張保仔洞入面好黑,雨後會比較濕滑,落去要帶強光電筒同著防滑鞋。
離開張保仔洞就沿路落山,一路跟住海邊行就會出返碼頭,大家可以搵間餐廳坐底食下野,又或者同小編一樣去掃街,想知有咩食可以睇長洲狂食 烤焗雪炸樣樣齊,玩完食完之後搭船返屋企。
難易度:⭐
除咗張保仔洞全程都係行鋪好嘅路。
打卡度:⭐⭐⭐
主要都係睇下石睇下海,小編南氹灣係全程最靚嘅一處,
設施完善度:⭐⭐⭐⭐
指示好清晰,長洲係發展好完善嘅旅遊區。
最後提提大家行山要準備充足,量力而行;最緊要係愛惜香港大自然,自己嘅垃圾自己帶走啊!今次嘅郊遊習作係咁多,我地下次見啦!拜拜!
Tags: Homita郊遊樂
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like
| by Y小編 | 6 years ago
郊 Landscape | by Y小編 | 6 years ago
郊 Landscape | by Y小編 | 4 years ago
郊 Landscape | by Y小編 | 5 years ago
郊 Landscape | by Y小編 | 5 years ago
郊 Landscape | by Y小編 | 5 years ago