係眾多品牌入面，Celine都算係小編Dream bag首選，次次出新款都非常百搭耐用，貴得好有道理，今日就等小編我同大家分享下6大喜歡呢個品牌嘅理由啦！

photo via purseblog

第一點，Celine嘅創意總監Phoebe Philo真係一個超級天才。佢嘅成功絕非偶然，佢一手將垂死嘅牌子救返生，可見佢對時尚嘅觸感有幾精準。如果你有時間睇下佢在任中所推出嘅手袋，你一定會愛上佢嘅品味同眼光！

photo via thebeautylookbook

第二，Celine袋深受時尚人士嘅喜愛，係各大時尚場合同時尚Blogger嘅穿搭入面都見到Celine袋嘅踪影，只要拎住Celine袋簡簡單單都可以搭配出簡約時尚。

photo via dailycupofcouture

第三，岩岩講起Celine袋係行簡約路線，但令佢係云云品牌入面突圍而出嘅，係佢簡約大氣得黎又好注重細節，你可以係佢唔同系列嘅袋上面搵到好多有趣嘅細節，簡單又唔死版，更加突顯持有者嘅品味。

photo via pinterest

第四點，Celine其實有好多經典款都唔怕同人撞款，因為佢出咗好多唔同特色嘅袋款，所以大家都可以依自己嘅特色同需要去揀選岩自己嘅袋。

photo via mandyche777

第五點，係小編最欣賞嘅，Celine無一個圖樣化嘅Logo，簡簡單單就咁用返品牌名作標誌，好低調，唔會俾人一種為用名牌而買名牌嘅感覺。

photo via designerbound

最緊要嘅係，Celine袋係非常耐用同經得住時代考驗，品質非常之好，絕對對得住佢嘅價格。所以都好岩作為新手入嘅第一個袋嘅牌子。

小編自己打完篇文都好想入返一個寵幸下啊！唔知你地有咩感興趣嘅品牌呢?