日本環球影城又有大搞作喇!今次聯同「多啦A夢」50周年記念作品「STAND BY ME 多啦A夢2 」(全國東寶系預定上映)合作推出遊樂設施「STAND BY ME 多啦A夢2 」 XR Ride,並於2020年8月4日(二)至2021年1月6日(三)期間限定開幕。
「STAND BY ME 多啦A夢2 」 XR Ride係使用VR技術再現而出的,運用超體感「VR雲霄飛車」希望大家可以幻想穿越到多啦A夢嘅未來世界,同時體驗多啦A夢同大雄嘅生活。由於遊戲同電影原創故事相關,來賓將乘搭Time Scooter穿越時空追尋成為大人後嘅大雄,途中見到嘅未來都市將會令人感到驚訝,以及喺白堊紀以全速逃竄恐龍嘅追趕,遊戲到最後令人興奮又感動。
除左有精彩嘅遊戲設施,日本環球影城亦會推出期間限定嘅豐富餐點。首先係以大雄同靜香嘅結婚典禮為構思嘅「多啦A夢餐盤組」。「多啦A夢餐盤組」係一個淋咗多蜜醬同蘑菇醬嘅烤雞套餐,附上兩人結婚模樣同因為感動而雙眼變成愛心嘅多啦A夢裝飾,食著都可以享受電影嘅感動畫面!
另外就係「多啦A夢兒童餐盤」,以竹蜻蜓、時光布等等嘅多啦A夢秘密道具,加上「多啦A夢穿越蛋糕卷」,真係啱曬大人細路食!
餐車上最有人氣嘅爆谷桶亦都有多啦A夢款式。多啦A夢同秘密道具隨意門嘅小設計、仲有多啦A夢最鍾意嘅「銅鑼燒」風味爆谷等等,相信無論睇定係食都令人愛不釋手,忍唔住買!
夏日炎炎,仲有不能錯過嘅冰沙飲品,仲有玩到一半肚餓可以手攞邊走邊食嘅小食。
玩完食完就緊係要買返啲紀念品返屋企!今次推出咗多款多啦A夢商品,並於8月28日(五)逐一登場。商品包括不可或缺嘅髮飾,同埋T恤等等可穿戴嘅物品,仲有多啦A夢可愛票夾、鎖匙扣同公仔等。相信呢啲仲要早過電影上映嘅園區限定商品一定會吸引唔少多啦A夢粉絲!
日本環球影城
Official site:https://www.usj.co.jp/