疫情之下就算要返工都唔建議出街食飯，但又唔係人人都有飯帶，日日都叫茶記外賣食到厭?黎緊就可以係Deliveroo到叫到專做麵食外賣嘅HOT ‘N’ MEEN，足不出戶就可以食到川式刀削麵啦！

HOT ‘N’ MEEN係香港川菜餐廳麻辣燙Chilli Fagara嘅姐妹品牌，「HOT」 係向辛辣菜式傳統致敬，而「MEEN」就係廣東話「麵」咁解。而HOT ‘N’ MEEN所有麵食都用咗刀削麵，口感一流。

食得辣就可以選擇比較火辣嘅麵食，例如自家製的紅油抄手撈麵 （HK$78）或口水雞拌麵（HK$78），另外亦有傳統川式擔擔麵（HK$68），而不想吃肉的客人亦可選擇素食版擔擔麵。

唔太食得辣嘅人都有好多選擇，包括配上以薑和京蔥爆香羊肉而成的蔥爆羊肉湯麵（HK$78）、五香牛肉湯麵（HK$78）和用紅燒豬肉配木耳和雞蛋的大滷麵 （HK$78）。

一系列開胃菜（每碟HK$30）包括有涼拌麻辣大豆芽菜，涼拌萵芛 和四川胡麻小耳朶。HOT ‘N’ MEEN 每日均提供午市套餐，精選開胃菜搭配麵食亦只售HK$98。

HOT ‘N’ MEEN備有多達十款值得大家嘗試的麵食以供選擇，營業時間從中午到晚上十時三十分，非常適合當作辦公室時段的午餐、宿醉或夜宵。外送範圍包括金鐘、中環、中半山、上環及西營盤。

HOT ‘N’ MEEN將從3月初起於Deliveroo獨家提供外賣服務。