Homita - 口罩蒙面貓爆紅 日本手作神人「めーちっさい」高度還原~ 網民:出扭蛋我會買!
#齊心抗疫 香港人加油!
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


口罩蒙面貓爆紅 日本手作神人「めーちっさい」高度還原~ 網民:出扭蛋我會買!
毛 Animals  |  by CASS  |  1 month ago   

武漢肺炎爆發後,除咗疫情新聞之外,仲出現咗唔少搶購潮,例如大家都搶嘅口罩,酒精消毒用品,紙巾、米、清潔用品等......雖然依家日日都有一堆令人壓抑嘅消息,但仍然有啲趣聞可以比我哋輕鬆一下,就好似網路上瘋傳嘅「口罩貓」!一隻喺微博上嘅貓咪,就因為戴咗一個口罩出街而瞬間爆紅~

武漢肺炎疫情持,唔單止全民戴上口罩抗疫,更有人為愛寵戴上口罩,以防萬一。近日武漢肺炎肆虐各國,平日無人問津嘅口罩竟然成為保命必需品,無論喺邊一個國家都超級搶手,一罩難求,有錢都未必買到!

而喺呢張喺微博流傳嘅相中可以見到,一位長髮披肩、配戴口罩嘅女仔買餸時,用繩拖住寵物貓散步,仔細啲睇,隻貓咪原來都戴咗口罩,仲喺眼睛位置剪開咗兩個洞方便睇路。

竟然連貓咪都戴上千金難買嘅口罩,大部分網友紛紛笑指呢個根本係炫富嘅行為:「太奢侈啦!我都無得戴,因為買唔到口罩......」、「大戶人家嘅貓,就有口罩戴!」。其他網友就留言表示:「莫名地好笑」、「我都想將我屋企嘅主子搞成咁,哈哈!」、「佢主人一定好愛佢~」、「好可愛好溫暖!感覺主人係真心希望小貓咪健康~」。

呢張可愛搞笑嘅相一擺上網分享後即刻被瘋傳,仲紅到去日本!日本手作神人meetissai「めーちっさい」更仿照相中貓咪,整咗個還原度極高嘅模型,連藍色口罩嘅質感都還原得非常細緻!唔少網民表示支持「口罩貓」模型以扭蛋形式推出,量產出現喺扭蛋機,紛紛興奮表示「速度太快啦!」、「想買一隻~」、「兩盒Thx!」、「笑到控制唔到」!

 

 

其實呢位手作神人嘅作品,相信大家都唔陌生,meetissai擅長用黏土還原出各種動物搞笑圖,當中包括早前超Hit嘅勾拳柴犬、「尷尬又不失禮貌的微笑貓」等,令佢人氣急升,依家喺Twitter已擁有超過12萬Fans~

最後提提大家,目前並未有寵物染上武漢肺炎嘅案例,幫寵物戴口罩防護其實無太大作用,大家唔洗去爭住模仿「口罩貓」啦~

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
CASS

Editor

You May Also Like
This Week's Top Post
口罩蒙面貓爆紅 日本手作神人「めーちっさい」高度還原~ 網民:出扭蛋我會買!
CASS - 1 month ago
狗狗的品種跟主人的性格大有關係 你最適合養哪一個品種呢?
Y小編 - 2 months ago
養貓的十大好處 科學認明你的貓貓對你有多好!
Y小編 - 7 months ago
成為貓奴是有科學原因的 貓咪魔力大解透~
Y小編 - 7 months ago
貓貓也能看星座!你覺得準嗎?
Y小編 - 7 months ago
狗狗恐懼期要點處理? 學識兩招助愛犬安然成長!
Coco - 6 months ago