風靡全球嘅迪士尼電影《魔雪奇緣》(Frozen)時隔6年後再推出續集，《冰雪奇緣 Frozen 2》終於上映啦！唔少品牌唔少品牌都同迪士尼合作，紛紛推出《冰雪奇緣2》限定周邊商品！最近ZARA Malaysia推出可愛的「Olaf造型背囊」以及「Elsa運動鞋」～

《魔雪奇緣》中其實唔只Elsa同Anna受歡迎，可愛嘅小白亦人氣高企，甚至有個人迷你小電影（Olaf's Frozen Adventure）同獨唱電影歌曲（In Summer 同 When I Am Older）～ 電影入面因為小白先有唔少笑點位，雖然佢望落有啲傻，卻傻得天真、可愛～ 唔好睇佢傻更更咁，佢曾經講過唔少非常有智慧嘅經典台詞，係魔雪奇緣》(Frozen)嘅一大角色。

其實呢次ZARA新推出嘅「小白造型背囊」係童裝產品，尺寸高30cm、長16cm、寬7cm。呢個背囊神還原小白可愛嘅樣，揹住佢就好似帶小白出街玩一樣～只要一踏入店舖，一定第一時間吸引眾人目光！價錢更只需RM$119，好抵買。

【OLAF FROZEN 2 DISNEY BACKPACK】RM$119

小白造型背囊嘅背後有拉鍊，只要打開拉鍊就可以裝物品入去，另外仲有一個提帶同可調式後背帶，可以調整到自己揹起嚟最舒服嘅長度。

邊個話大人就唔買得？ZARA推出嘅童裝配飾經常都會躍身成為大人們紛紛搶購嘅單品～ 其實即使大人揹上去亦完全冇違和感，仲增添一份童趣感，尤其係聖誕節揹去迪士尼玩就最適合啦！

背囊採用絨毛材質，成個望落去毛茸茸超可愛，摸上去亦十分柔軟同舒服，小細節更做得相當細緻，小白嘅粉絲們快啲將佢帶翻屋企啦！

【FROZEN DISNEY SNEAKERS】RM$159
除咗OLAF背囊，大馬ZARA仲推出咗Elsa運動鞋。同白色鞋身配上Elsa造型飾物，橡膠鞋底飾有亮片細節，全棉質Starfit鞋墊和內襯提供更高的舒適度。

想知道更多詳情？可以到Zara官網睇睇！