一直走少女、夢幻路線嘅韓國彩妝品牌HOLIKA HOLIKA，最近推出咗以「陶瓦色」為主題嘅「HARD Cover」系列產品，包括：粉底液、遮瑕、氣墊粉餅以及定妝噴霧。想黑啲但又曬唔黑嘅牛奶肌女生，可以一嘗健康小麥肌膚妝容，喺呢個夏天大曬性感！

同之前繽紛可愛嘅包裝唔同，呢次嘅產品係以「陶瓦色」(Terra Cotta)為主題，外包裝嘅淺紅色同紅陶色搭配，超級吸睛而且不失質感，就好似置身於紅色沙漠一樣，溫暖熱情又性感！

底妝產品包括：粉底液、氣墊粉餅同遮瑕液，有兩種深色色號選擇，06號係偏粉嘅杏仁色調，07號則係偏黃嘅深棕色！如果唔不太確定自己比較適合邊種色調，可以參考官網貼心附上嘅色號對照表！

「HARD Cover」系列底妝產品有比較高嘅防曬系數，高達SPF50+ PA++++，女生們可以放心咁出去玩！但係無論彩妝產品有幾高防曬系數，如果要長時間喺戶外活動，都係要搽防曬先比較有效！

呢個系列嘅底妝產品妝效屬於絲滑光澤感，亦進一步改良咗以往產品嘅粉體技術，令妝效可以更加服貼、保濕，可以更加快速、簡單咁完成底妝！驚溶妝嘅女生，亦可以使用定妝噴霧令妝容更加持久～

如果係第一次嘗試呢類型妝感，唔知道應該點搭配妝容嘅女生唔需要擔心！可以參考官網上模特兒嘅示範，學習下點樣打造性感健康嘅立體妝容！

 

 

 

 

View this post on Instagram

 

 

 

 

 

 

 

 

 

 

 

A post shared by 홀리카 홀리카 (@holikaholika_official) on Jul 2, 2019 at 2:48am PDT

大家成日話「一白遮三醜」，白皙皮膚的確可以搭配眾多顏色嘅妝容同穿搭，但其實小麥色肌膚都一樣靚，望落陽光又有魅力。依家已經唔係死命追求「一白遮三醜」嘅時代，黝黑健康小麥肌亦可以超靚超性感！如果想嘗試下性感、時髦嘅妝容可以買嚟試下～