慢活，係一種生活態度。小編一直都好嚮往慢活嘅日子，無奈平時工作節奏快得可怕，只有係放假嘅時候先可以慢落黎，放鬆一下。

但放假其實出街都會感受到香港人嘅快，有時唔想吽喺屋企，又未必想去郊外避世，一間舒服嘅Cafe就可以比你一個放鬆寫意嘅晏晝。今日想同大家介紹嘅Dear Coffee & Bakery 就係一個好選擇。

Dear Coffee & Bakery其實同港鐵站好近，但位置比較幽靜，設計簡約、空間空敞，比人一種好舒服、好休閒嘅感覺。你可以係度睇一日書、帶電腦黎上網、同朋友吹吓水甚至發一個下晝吽哣都冇問題。

Photo via coffeecherry.bg

以一間小小咖啡店黎講，飲品、食物選擇都幾多，有手工焙烘咖啡、冰滴咖啡，唔飲咖啡都可以揀花茶或者特調。食物方面有All Day Breakfast、沙律同漢堡等選擇，擺盤非常用心，食物質素都唔錯。小編私心推薦美國手撕豬肉貝果同All day breakfast，好值得一試！

Photo via Dear Coffee & Bakery

呢度嘅麵包同蛋糕好出名，日日都會有少少唔一樣，選用天然食材同時令水果，以低溫發酵製成，無添加製作好符合小店嘅氛圍。最為人所知就係佢嘅紫薯麵包，喜歡紫薯嘅人千祈唔好錯過啦！