今日Y小編想同大家推薦一間好值得放入收藏名單嘅西餐廳，阿麥廚房。阿麥廚房嘅老闆係已結業嘅文青書店老闆James，估唔到佢愛書、愛咖啡，飲食都有一手呢！阿麥廚房其實已經開業多年，係銅鑼灣堅持到一間小店唔係易事，一定有返咁上下水準。
必點菜有德國燒咸豬手、大蝦占米多、香煎法國鵝肝配焦糖酒醋藍莓同BBQ烤辣味西班牙豬肋骨等等。
德國燒咸豬手份量好多，皮脆肉嫩，大廚貼心地切件上，方便大家進食，仲配上炸得脆卜卜嘅薯條添。
大蝦占米多蝦肉彈牙，蝦膏味好香，同菇菌搭配口感特別，伴以酸酸甜甜嘅沙律，好開胃。
香煎法國鵝肝配焦糖酒醋藍莓，鵝肝煎得外脆內軟，入口即化，好香口，配上麵包食中和油膩嘅感覺；焦糖酒醋藍莓味道清新香甜，食完油香嘅鵝肝就正好用黎解膩。
BBQ烤辣味西班牙豬肋骨烤得剛剛好，肉質軟熟煙韌，微辣中帶少少甜。重點係佢非常大份，一人份真係夠兩個人食，大件夾好食。
阿麥廚房係銅鑼灣算係性價比好高嘅小店，得大約40座，但幾乎晚晚爆場，想食就預早Book定啦！
阿麥廚房
地址：銅鑼灣加路連山道9號地舖
電話：2808 0351
營業時間：12：00 - 22：00
Tags: Homita為食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
