日日都好努力做運動,又跟足減肥餐單進食,但硬係瘦唔到落嚟?咁就好大機會係因為目前用緊嘅減肥法與你不合啦!大家不妨考慮一下試用「血型減肥法」,Eat Right 4 Your Type 嘅者 Peter J. D’Adamo 醫生提出唔同血型各有專屬瘦身法,大家可以嘗試按血型尋找瘦身方式!
A型
A型人士最適合蔬菜為主嘅飲食,再配搭植物性蛋白質就最合適啦!要瘦身成功嘅話,就必需要戒除肉類,咁先可以控制好熱量嘅攝取。A型較為適合做輕鬆嘅運動,以免過度勞累緊張,所以呢類人最啱做平靜嘅有氧運動,瑜伽就係唔錯嘅選擇啦。
B型
B型人士應該避開麵條、粟米,因為呢類食品會令佢地嘅新陳代謝減慢,不利於瘦身。另外,B型適合少食多餐,肉類同乳製品更係可以幫助佢地減重。由於B型最需要保持頭腦清晰,所以做返啲規律性運動,例如網球、快步走、踩單車等等。
AB型
AB型與B型相同,都要避開食用過多肉類,飲食上應該要以蔬菜、雞蛋以及乳製品為主。運動上集合咗A型、B型嘅特性,無論係較靜態活動,或係體能活動,都係好適合AB型人士咖!
O型
O型人士對於高蛋白質嘅食物相性極好,能夠輕易消化瘦肉、蔬菜,如果想要成功減肥嘅話,就要避免穀物、豆類、馬鈴薯等等嘅食材!而運動方面,O型天生適合各類體能運動,假如唔做運動就會令身體進入煩躁嘅狀態,所以訂立固定嘅健身計劃就好重要啦。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like