今日已經係年三十，各位準備好收早食年夜飯未呢？每逢新年都係總係聽到唔少有關嘅禁忌，今次小編就為大家盤點一下６大新年禁忌，就算唔信都好，都記得少做為妙啊！
＃大年初一忌洗頭
相信大家對呢個禁忌都有認識，因為「洗」同「死」讀音相近，感覺唔吉利，而「髮」同「發」讀音相同，喺大年初一洗頭，就有洗走財運嘅意思。
＃忌掃地、倒垃圾
大年初一打掃嘅話，就有將運氣、財神掃走之意。如果想清潔的話，最好就係年二十八之前完成，否則最好等到年初五，因為當日係習俗中「送窮」既日子。
＃忌催人起床
如果用全名催人起身，就會令對方新一年做任何事都會被人催促，唔吉利啊！
＃忌睡午覺
如果喺大年初一瞓晏覺，就會有做事散慢、影響事業運之意！
＃忌食稀粥、藥
係以前，只有窮人先食唔起飯既概念，亦只有病人先需要食藥。如果新一年就食粥、藥，就會令新一年都變得貧困，影響財運之餘又唔吉利。
＃忌穿黑、白服飾
黑、白色衣物係中國傳統上為喪服顏色，老人家自然就覺得唔吉利啦，新一年不妨多穿紅色、桃紅色既衣物旺一旺！
Tags: 私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
