韓妹皮膚好既秘密係化妝棉？ 注意小細節先可以皮膚好~

韓妹皮膚好既秘密係化妝棉？注意小細節先可以皮膚好~

膚 Skin Care | by | 7 years ago

韓妹皮膚好係人所共知既事實，睇到佢地無瑕又零毛孔既皮膚，相信女仔都會想知道佢地既護膚之道。但係，即使你跟住韓國女生的護膚程序，又用韓國品牌既護膚品，都唔代表你能夠擁有咁水潤既奶油美肌，原因竟然係係呢個小小既細節中！

化妝水係洗臉後護膚既第一步，亦係保濕好重要一步。睇廣告都會見到好多人或者都係習慣用手拍化妝水，等水分注入皮膚之餘，亦可以透過拍打既動作，令皮膚更容易吸收。不過，原來有好多韓國女生都會用化妝棉來代替手，先用化妝水沾濕化妝棉，然後係面上抹擦。

呢個方法雖然係好普通既做法，但原來有好唔同既效果。根據皮膚科醫生所指，淨係用手或者難以令產品平均地塗係面上，甚至會唔小心咁避開左某啲部位，但用化妝棉就可以小心控制產品既份量，令化妝水可以平均咁等皮膚吸收。另外，呢個抹擦既動作，亦有雙重清潔同去角質既效果，令皮膚更乾淨。但係，皮膚科專家亦提醒，係選用化妝棉時要選擇品質較好既，唔好用會留低棉絮既化妝棉，唔係就會好容易引起皮膚敏感。

Tags: homita愛美麗

如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？

Author Information