分手後仲同唔同和前度繼續做朋友，係個無答案既問題。或者用哲學、心理學既角度來睇會有一個答案。但人類畢竟係情感動物，就算理性啲諗同前度做朋友無咩壞處，但感性上過唔去就係過唔去。以下呢五個星座就係因為性格而難以同前度做返朋友。

第五名 水瓶座

水瓶本來就唔係一個鍾意扮友善既星座，佢地覺得分左手就分左手，何必維持表面既友誼呢？水瓶座基本上唔介意同前度繼續做朋友，但就係覺得無必要自找麻煩。

第四名 摩羯座

摩羯對於失戀既傷痛好難釋懷，如果分手係因為前度做錯事，咁摩羯打死都唔會再同他有任何瓜葛。如果心中仲有恨，咁繼續做朋友都只係講下咖炸。

第三名 天蠍座

妒忌心強既天蠍，實在無辨法睇住或聽到前度有新戀情，即使已經唔愛對方都一樣。與其令自己個心難受，倒不如離前度遠啲，從此井水不犯河水。

第二名 獅子座

前度有新戀情對獅子座黎謂係一種恥辱。礙於面子問題，何須同前度繼續做朋友，睇住佢變心愛上其他人呢？另外，如果獅子座同前度分手係因為對方做錯事，咁佢地就更加無辨法繼續同對方做朋友。

第一名 白羊座

比起同前度溫馨咁繼續做朋友，白羊座更傾向同前度比較邊個分手後過得比較好。白羊座唔介意對方繼續睇自己既Facebook 或 Instagram，但係絕對唔會同佢單獨見面。因為有呢種競爭心態，所以白羊座難以同對方保持友誼。

圖片來源︰《前男友不是人》劇照