萬豪國際集團（納市股票代碼：MAR）今天宣佈落實推行一項環保政策，喺旗下全球30個酒店品牌合共超過 6,500 間酒店，淘汰即棄膠飲管及攪拌棒。該行動預計喺一年內實現每年節省逾10億支膠飲管及約2.5億支攪拌棒。

一支膠飲管嘅使用時間通常只有15分鐘，但就永遠無法完全分解。萬豪國際集團總裁兼首席執行官蘇安勵（Arne Sorenson）表示作為美國首批大型企業喺全球酒店停用膠飲管，萬豪國際甚感欣慰。棄用膠飲管係入住賓客實行減塑最簡單嘅方法之一。

事實上，我地注意到不少賓客對環保議題越趨關注，亦已喺家中響應減塑。萬豪國際一直積極肩負企業社會責任，新措施邀請全球每晚逾百萬名入住嘅賓客一同向塑膠產品說不，為環保跨踏出強而有力嘅一步。

停用膠飲管係萬豪國際為促進業務可持續發展，並減少塑膠製品使用量而推出嘅新一輪改革行動。今年較早前，集團開始喺450間精選服務品牌酒店（Select-service Hotels）嘅客房浴室，以容量較大嘅可補充裝梘液器取代小瓶裝即棄淋浴用品。

除咗為賓客提供更多用量，亦有效減少塑膠廢料。萬豪國際預計於今年年底前將此政策擴大推行至北美洲1,500多間酒店，以達致每年節省超過3,500萬個一般以堆填處理嘅棄置小膠瓶。

此等措施建基於萬豪國際致力減少環境影響嘅承諾。去年，集團制定一系列創辦至今最進取嘅可持續發展及社會影響力目標，旨在於2025年前減少棄置堆填區嘅廢料量達45%，並肩負社會責任地採購其十大常購產品類別。

此等目標連同其他綠色計劃，有助減少環境足印，亦係集團為解決社會、環境及經濟問題而制定嘅「善行360度」（Serve 360: Doing Good in Every Direction）行動嘅其中重要一環。 

全球多間萬豪國際集團酒店已開始實行停用膠飲管 

今年二月，萬豪國際喺英國60多間酒店已率先開始停用膠飲管，並喺賓客要求時提供環保飲管。此外，集團喺全球各地多間酒店都喺政策推行前牽頭減塑，當中包括大都市嘅精品酒店以至臨海度假酒店，例子如下：

倫敦聖潘克拉斯萬麗酒店（St. Pancras Renaissance Hotel London）係今年2月起停用膠飲管嘅60多間英國酒店之一，獲得賓客大表支持，至今酒店嘅膠飲管使用量已銳減五成。 

位於哥斯達黎加嘅羅蘇諾思萬豪海洋酒店及高爾夫度假村（Los Sueños Marriott Ocean & Golf Resort）已於今年較早前停用膠飲管。 

馬可島海灘度假村萬豪酒店（JW Marriott Marco Island Beach Resort）喺今年3月成為美國佛羅里達州西南部天堂海岸（Paradise Coast）首批停用膠飲管嘅酒店之一，每月膠飲管使用量大減約 6萬5千支。 

澳洲嘅布里斯班福朋喜來登酒店（Four Points by Sheraton Brisbane）喺今年6月起全面以替代產品取代塑膠飲管及攪拌棒，其中包括布里斯班最高酒吧——位處酒店30樓嘅Sazerac。 

美國嘅茂伊島喜來登度假酒店及水療中心（Sheraton Maui Resort & Spa）於去年8月成為夏威夷首間度假酒店喺餐廳、派對宴會及其他場地停用膠飲管，每月膠飲管使用量大減約3萬支。

茂伊島喜來登度假酒店及水療中心總經理Tetsuji Yamazaki表示佢地嘅賓客都係為咗島上優美怡人嘅大自然環境及引人入勝嘅海洋生態而來，亦同我們一樣衷心渴望能夠減少環境污染。實行停用膠飲管嘅措舉，可以俾我們與賓客就保護海洋及瀕危動物如夏威夷綠海龜（Honu）嘅重要性，展開實質對話。

萬豪國際除咗宣佈喺旗下酒店停用膠飲管，亦喺公司總部採取相同行動。

萬豪國際停用膠飲管嘅措施訂於2019年7月起喺集團管理及特許經營嘅酒店中全面實行，讓酒店業主及特許經營者有充裕時間盡用膠飲管存貨，並搜購環保飲管及教導員工改善客戶服務。酒店亦會按賓客要求，提供環保飲管。