係咪仲諗緊6月有啲咩合家歡好去處呢?皇室堡6月會推出新手機應用程式同WINDSOR CLUB會員制獎賞計劃,為大家準備咗唔同嘅親子活動。企鵝宣傳大使Penmily會率先於皇室堡地下中庭送上【WINDSOR CLUB企鵝探險學堂】充氣遊戲做見面禮，呢個學堂特別用文具做主題，係入面除咗有Penmily之外,仲有海洋朋友們會一齊係近6米高嘅充氣基地玩探險遊戲, 真係啱哂小朋友呀！

【WINDSOR CLUB企鵝探險學堂】係5月20日至6月7日舉行,只要消費及同讚好/追踨/關注皇室堡嘅社交平台,大家就可以免費入學堂玩15分鐘。完成咗三大必玩嘅探險遊戲之後, 仲可以獲得冒險樂園旗下室內遊樂園Planet J Kids HK$100禮卷, 等小朋友可以繼續狂歡!

玩完就當然要拎啲手信走啦。完成探險之後, WINDSOR CLUB會員憑住指定積分就可以免費換到企鵝新星Penmily最萌系列限定精品, 包括有「企」定定背包,小Lady企鵝側揹袋,「企」間限定小袋子,企鵝A4「萌」件套,換領詳情可以留意皇室堡社交平台嘅消息。Penmily咁可愛就梗係要帶哂四款精品返屋企啦, 大家記住去銅鑼灣參加活動呀!