香港人生活壓力大，小編都備受星期一抑鬱症、不瘦降、玻璃心等都市病困擾啊！好彩Gudetama梳乎蛋化身「梳乎大師」，傳授咗放鬆身心嘅秘訣比小編，你地都去朗豪坊搵佢拜師啦！

由5月18日起至6月8日，全球首間「梳乎寺」將空降朗豪坊4樓通天廣場，Gudetama粉絲只要完成拜師5部曲，即可參見梳乎大師，成為入室弟子。梳乎大師更破天荒為善信提供線上問診，透過法力無邊的Chat Bot贈醫施藥，包保藥到病除！

拜師5部曲

第一部：敲響梳乎鐘，生活好輕鬆！敲鐘有助淨化心靈，「祈福梳乎蛋」會係一邊為你祈福，願你少勞多得，拜師成功！

第二部：「梳乎禪修室」比你靜心放空，我唔係發吽哣，呢啲叫禪修，思考自身心靈問題先可以同大師探討。

第三部：「梳乎良藥」問診對症下藥，只要以Facebook掃瞄QR Code，跟指示做就可以線上問診，睇下你邊度唔梳乎，再對症下藥。小編唔會同大家講我有醋狂症架XD

第四部：「梳乎藏經閣」幫你熟讀藥方秘笈，要梳乎梗係要有智慧，識抄經一定係用印仔抄，印一印，搞掂！

第五部：「梳乎寺大殿」參見「梳乎大師」，成為大師嘅入室弟子。

日期：2018年5月18日至6月8日

時間：上午11時至晚上11時

傳媒登記地點：朗豪坊4樓通天廣場