5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

 感味宮匠雖然係一間咖啡廳，但佢嘅食物都非常好食，店主仲考到日本米鑑定師資格，証明佢對味道有幾咁執著。

今次小編就去到太古城分店，除咗甜品之外仲試埋佢嘅貝果同麵包。

朱古力慕絲蛋糕個樣好吸引，成個都係朱古力！朱古力脆皮，入面裝住朱古力蛋糕，上面加咗朱古力慕絲，以士多啤梨同藍莓嘅酸甜中和甜味，朱古力控嘅最愛。

柚子豆腐芝士蛋糕配搭好特別，食落好清爽，好有日本嘅感覺！而且柚子嘅味道好解滯，作為飯後點點好完美。

煙三文魚丸芝士貝果包係健康之選，充滿芝麻嘅貝果夾住煙三文魚同葉子，加上少許軟芝士，味覺好清新。

肉鬆鹹牛肉炒日本蛋香烤小法包齋個樣已經令人好期待，佢嘅鹹牛肉同一般想像嘅唔太一樣，間中仲有牛軟骨滲於其中，肉鬆份量好多，味道非常好，小編認為多啲滑蛋就更好啦！

自家製橙香冰紅茶個樣好茶記feel，飲落橙味唔算好重，係茶香中帶啲活力嘅感覺。

牛奶南非國寶茶睇個樣好似咖啡咁，其實係無糖奶茶，同中國茶嘅味道唔太似，小編覺得似伯爵茶加印度茶咁嘅味道，別有一番風味！

叫咗咁多野食，埋單都係二百幾蚊，性價比真係好高呀！母親節帶媽媽去太古shopping就順便黎食嘢啦！

地址：太古城中心地下誠品生活G014舖

電話：34191133

地址：太古城中心地下誠品生活G014舖

電話：34191133