Homita - 放假去邊好? 跟郊遊習作去親親大自然啦!
#美食十月
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


放假去邊好? 跟郊遊習作去親親大自然啦!
郊 Landscape  |  by Y小編  |  2 years ago   

4月真係一個好月份,因為恩恩我生日啦!除此之外仲有唔少紅日,趁放假不如跟我地出去行下啦~以下路線係春天會睇到好多春天嘅美,放假抽一日假期去親親大自然,充爆電啊!Click圖就會見到更多資訊啦!

呢條路線可以一次過體驗同見到特別嘅地質風貌、古村、鄉郊氣息同客家圍村文化,成大片紅色嘅石地真係好壯觀!不愧係世界地質公園啊!紅日仲有街渡來往馬料水同荔枝窩,行入去又得、搭船出返黎都得!入去記住食埋客家菜先好走啊!

馬鞍山入面有條好簡單嘅路線,就係水浪窩!大家可以早少少去水浪窩,呢度有座仿古觀星台,好似古堡咁,好有古代氣息,大家可以係度野餐,之後再出泥涌影相,泥涌都係著名嘅天空之鏡,呢度天地一色,真係好浪漫啊!有興趣仲可以黎放風箏添!之後可以去埋BBQ先返屋企,一日入面睇晒山海兩色,野餐又得BBQ亦得,行程好豐富!

嘉道理農場每一季都有唔同嘅花可以欣賞,三四月會有草豆蔻 、白花羊蹄甲 、宮粉羊蹄甲、大鴛鴦茉莉 、山茶、繡球仲有好多好多當季花朵盛開。仲可以上觀音山頂峰睇下自然美景;係四柱擎天下眺望林村;又或者去熱氣洞感受「龍的氣息」。如果你唔想行到身水身汗仲可以搭車遊覽大部分景點,邊個話懶人就唔可以親親大自然架?

放假不如去離島玩啦!就算係假日,長洲其實都有人少嘅地方,經小長城行去南氹灣睇下天后廟之後去挑戰張保仔洞,睇下奇石、吹下海風、挑戰下張保仔遺址,長洲仲出名多野食添!

另一個推薦嘅離島係橋咀,呢排天氣開始熱,中午時分應該夠熱落得水、呢度都有燒烤場、又或者去行下連島沙洲,睇下各式各樣大自己比我地嘅禮物,會發現其實香港嘅風景一啲都唔會差過其他地方!勁有渡假Feel!

放假想踩單車睇風景?又唔想黎黎去去都大圍沙田大埔馬鞍山,可以試下去天水圍踩單車入尖鼻咀,路線雖短但勝在夠多野睇!沙橋村嘅蠔殼灘、濕地公園嘅紅樹林同侯鳥、成片嘅漁排,好特別架!

如果你有更好嘅路線推薦,記住同小編講,等小編都去感受人你眼中嘅美啦!祝大家係復活節吸多啲新鮮空氣,復活下自己啦!

 

 

 

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
Y小編

編輯

郊遊、影相、美食、旅遊、美妝、潮流、電影大包圍,要做個天天長知識嘅好學小姐。 有興趣報料可以Send email去 yan@homita.com.hk 我會發自內心感激您。
You May Also Like
This Week's Top Post
郊遊習作 隱世靚海灘白腊灣
Y小編 - 2 years ago
放風箏好去處 小編實測邊度最好放
Y小編 - 2 years ago
郊遊習作 趁著好天氣去大水管影靚相
Y小編 - 2 years ago
假日單車小出走 天水圍尖鼻咀秘景遊
Y小編 - 2 years ago
郊遊習作 龍鼓灘浪漫拍拖睇日落
Y小編 - 2 years ago
郊遊習作 元朗髻山睇360度無死角全景
Y小編 - 2 years ago