好多人都體會過宿醉嘅滋味,頭痛頭暈又攰,口乾可能仲想嘔等,感覺真係幾唔好受,如果想快啲緩解呢種不適,可以靠以下幾種食物。
1. 水
首先最簡單嘅解宿醉方法係飲水,酒精會令人脫水,所以飲酒後需要攝取大量水份,補充返身體流失嘅水份,仲可以稀釋胃入面嘅雜質,舒緩宿醉造成嘅頭痛症狀。
2. 牛奶
牛奶含有鹼成分,能夠中和酸性酒精,尤其朱古力牛奶更佳,因為佢含有黑糖、牛磺酸同兒茶素,有助分解酒精。
3. 綠茶
綠茶本身有胺基酸以及維他命類成分,能夠促進酒精分解,而且綠茶都有利尿作用,可以幫助排出毒性物質。
4. 香蕉
香蕉含有豐富的鉀,係電解質嘅其中一種,亦係宿醉後所需的物質,加上香蕉是水份豐富的生果,都有助脫水嘅身體補充水份。
5. 薑
薑可以充當消化系統中嘅抗炎性物質,幫助減緩嘔吐症狀,同時阻擋胃入面嘅血清素受體。
6. 燕麥
燕麥中都含有抗發炎纖維,可以幫助減輕宿醉相關症狀。
7.蜂蜜
蜂蜜含有葡萄糖同果糖成份,可被人體直接吸收,有助分解酒精之餘,當中嘅糖份都可以補充身體因為飲酒而降低嘅血糖。
8. 雞蛋
對胃嚟講,雞蛋係良好嘅營養來源,而且係溫和的蛋白質;雞蛋亦含有半胱氨酸,有助協助肝臟將酒精分解。
9. 牛油果
適合朝早需要增加營養的人,亦係鉀同卡路里嘅最佳來源。
Tags: Homita愛健康
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information

You May Also Like