Homita - 長期戴口罩令皮膚變差?必學9招抗敏護膚大法,解決暗瘡、黑頭粉刺問題!
#美食十月
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


長期戴口罩令皮膚變差?必學9招抗敏護膚大法,解決暗瘡、黑頭粉刺問題!
膚 Skin Care  |  by CASS  |  7 months ago   

武漢肺炎疫情下,為咗防疫,市民日日外出都需要長期配戴口罩,令唔少人陷入「皮膚災難」!長時間戴口罩會令肌膚更易出現粉刺、暗瘡、敏感等皮膚問題,情況持續嘅話可能隨時會有爛面危機!要對付呢啲戴口罩嘅皮膚後遺症,我哋就更需要注重臉部肌膚嘅日常護理,就等小編講下9大招數,令你喺預防疾病嘅同時都可以保持好膚質啦~

「口罩暗瘡」成因

唔同類型嘅口罩都有機會引發暗瘡,但一般而言,「越焗就越大機會爆瘡」,例如N95口罩會比普通外科口罩更易引發暗瘡。戴上口罩時,口罩會與皮膚形成密閉空間,溫度上升會令血管擴張,並增加油脂分泌,增加毛孔閉塞嘅機會。而且呼吸產生嘅水蒸氣亦會被困其中,所以口罩內嘅溫度同濕度都會相對較高,形成有利細菌滋生嘅環境。綜合以上情況,所以長期戴口罩就會容易引發粉刺同暗瘡等皮膚問題,尤其係本身屬於油性皮膚嘅人,由於皮脂腺比一般人活躍,就有更加高嘅機率生暗瘡啦~

 

九招抗敏護膚大法

1:戴口罩前做好保濕,忌用質感厚重嘅護膚品

正值春天潮濕季節,加上需要全日戴上口罩,應避免使用質感厚重或者過度滋潤嘅護膚品,護膚品宜挑選清爽、舒緩、乾淨為主,護膚步驟宜比平時更清爽一度。例如你平時如果用面霜嘅話,不妨改用清爽型乳霜;如果你平時已經用緊乳霜,咁改用水質精華乳液就夠。

 

2. 盡量唔好化底妝,更避免搽防曬

原本戴口罩已經會令皮膚變得敏感,如果再混合埋化妝品,唔單止會整污糟口罩,仲有機會令皮膚問題惡化,嚴重嘅話仲會毛囊發炎!喺疫症期間,唯有呼籲各位貪靚嘅女生忍下手,頂多畫下眉,或者化個簡單嘅眼妝,令自己望落去精神啲就夠啦。

 

口罩覆蓋到嘅區域亦唔好再搽防曬啦!因為防曬嘅質地偏油,使用後,會較易喺口鼻位置產生粉刺問題。其實被口罩覆蓋嘅肌膚根本曬唔到太陽,大家搽防曬嘅時候記住避開口罩覆蓋嘅肌膚,廢時增加肌膚負擔啦~

3. 定期印走油脂 + 4小時更換口罩 

戴口罩導致皮膚變差嘅最大原因係口罩內嘅濕氣,所以喺雙手清潔嘅情況下,每隔一至兩小時,可以喺無人又空曠嘅地方打開口罩一下,簡單用紙巾印走鼻翼、下巴等位置嘅油脂污垢;如果你係敏感肌或油性肌膚,就更加要確保每4小時就要更換一次口罩,防止細菌滋生,減低生暗瘡或皮膚過敏嘅機會。

坊間有人將面油紙或紙巾放喺口罩內,以減少口罩同面部嘅摩擦、吸取面油, 但其實呢個做法係大錯特錯㗎!因為咁樣會令口罩同皮膚之間造成一定距離, 唔夠貼服就會減低咗口罩嘅保護功用。另外,長期放置吸油紙於面上只會刺激皮膚分泌更多油脂,積聚更多細菌喺口罩同面頰之間!所以大家千祈唔好咁做呀~

4. 戴口罩時請盡量少說話

戴口罩時,原本口罩裡嘅水份就不易被揮發,若加上說話時所噴出嘅口水,就更大幅咁增加口罩內嘅濕度、溫度、同細菌數。試想像我哋成日都戴著呢個滿佈細菌嘅口罩,而呢啲細菌又貼合住我哋肌膚嘅話,皮膚想唔發炎都難啦!所以,建議大家「想少發炎,盡量少發言」。

 

5. 避免戴口罩做運動

外出嘅時候要注意,避免戴口罩做一啲可能導致出汗嘅運動,例如運動健身。因為當汗水與肌膚接觸,會容易產生過敏,同時增加口罩內皮膚發炎嘅風險,所以近排都係乖乖地留喺屋企做運動算啦!

 

6. 回家後即時潔面

為咗防止細菌有機可乖,回家除底口罩洗手後就要第一時間進行潔面。但不宜過度清潔或去角質,因為咁反而會破壞咗肌膚嘅天然屏障。選用溫和嘅潔面產品,清潔臉部一整日積累嘅油脂同灰塵即可。亦可間中敷下深層清潔面膜嚟‎徹底潔淨肌膚底層,清除黑頭暗粒,同埋毛孔內嘅油脂污垢及死皮。

 

7. 潔面後緊記保濕

徹底潔淨肌膚,可以令後續搽嘅保濕產品更易被吸收。底層肌膚得到充足水分滋潤,皮膚自然就光澤水嫩~要維持臉部水分充足,同時唔會太黏膩,為皮膚造成太大負擔,就要選擇有高保濕度但質地清爽易吸收嘅保濕產品,維持翻肌膚嘅水油平衡,令佢回復健康良好狀態。

 

8. 抗痘護理

皮膚長時間處於焗促嘅環境下,油脂分泌旺盛,自然更易阻塞毛孔,大大增加生粉刺同暗瘡嘅機會。如果真係咁不幸生咗痘痘,就要喺患處塗上抗痘產品,咁樣會有助暢通毛孔,令粉刺、黑頭同暗瘡快啲凋謝,避免感染到周遭肌膚。

 

長期戴口罩嘅日子恐怕仲要持續一段時間,處理暗瘡首要重點係「唔好擠」,因為擠暗瘡只能清除表面嘅膿頭,但無助解決皮膚深層嘅發炎問題,更有微絲血管受壓破裂嘅風險;而且雙手帶有細菌,擠暗瘡時造成嘅傷口可能會受感染,隨時令發炎變得更嚴重!

9. 停用過敏口罩

戴口罩時皮膚同口罩不斷摩擦,會出現泛紅、痕癢、發熱等過敏問題,尤其對敏感肌同濕疹人士嚟講,情況就更為嚴重。如果真係有呢種情況,可能嗰款口罩嘅纖維材質並唔適合你嘅皮膚。患者可更換其他品牌低致敏、透氣度高嘅口罩。亦應選擇舒敏、成分天然無添加嘅護膚品,為皮膚即時急救。當然,若敏感情況持續緊記要求醫!

 

總括而言,除咗勤洗手之餘,大家亦唔好忘記做足保護皮膚嘅措施。希望大家喺除底口罩後仍可擁有靚靚皮膚啦!

 

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
CASS

Editor

You May Also Like
This Week's Top Post
NIVEA Cream竟然咁好用 7種高效用法話你知
 - 2 years ago
AMOREPACIFIC淨透活肌昇華原液 濕敷救膚教學
Y小編 - 3 years ago
AMOREPACIFIC 皇牌系列昇華版
Y小編 - 2 years ago
頂級尊貴護膚美學 Lionesse尖沙咀店隆重開幕
Y小編 - 2 years ago
AMOREPACIFIC 「綠茶水」幫你留住青春
Coco - 2 years ago
TIME RESPONSE全新煥采活膚彩妝系列產品 化妝同時護膚抗衰老
Angel - 8 days ago