Homita - 香港製造口罩8大工廠合集!最快3月陸續面世 港人唔再「無罩用」~
#美食五月
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


香港製造口罩8大工廠合集!最快3月陸續面世 港人唔再「無罩用」~
新 News  |  by CASS  |  4 months ago   

武漢肺炎疫情爆發,一罩難求。唔少有心人、商家決定解決市民燃眉之急,自費購買口罩機器生產本地口罩。至今,已有 8 個團體宣佈開設本地口罩生產線。今次小編就為大家整合港產口罩嘅品牌資料,比大家輕鬆睇清晒所有本地口罩廠嘅背景、口罩規格同埋推出詳情~

1. 口罩工廠 Mask Factory

Mask Factory 口罩工廠」日前於2月25日開放會員登記,成功註冊即可於日後收到口罩發售嘅最新消息,一時間吸引大量市民爭相登記,網頁亦告「逼爆」。事隔兩日2月27日,口罩工廠再宣布首批口罩試產成品即將推出,並率先捐贈予前線清潔員工、長者及基層人士,又指只需於2月內完成會員登記即可收到最新消息。

「特別裝」口罩即將出貨 首批贈予清潔工、基層及長者

「Mask Factory口罩工廠」早前於Facebook專頁發怖帖文,指首批港產口罩即將面世,目前正進行試產,稱「希望可以成功用盡產能」。首批試產口罩名為「Mask Factory Special Edition」,每盒20個,待衛生報告通過即可率先捐贈予前線清潔工人、長者及基層人士。口罩工廠呼籲相關慈善團體透過Facebook與組織聯絡,安排口罩捐贈事宜。

營運團體:唐先生及一群電影工作者
廠房地點:屯門
口罩規格:多種防護規格的 3 層口罩,包括 B95(細菌過濾大於95%)、B99(BFE>99% 細菌過濾達大於99%)、P95 (BFE+PFE>95% 細菌及微粒過濾率>95%)、P99(BFE+PFE>99% 細菌及微粒過濾率>99%) V99 (BFE+PFE+VFE>99% 細菌、微粒及病毒過濾率>99%,防護效果最好)
預計生產口罩數目:保守估計日產 7 萬個;若 24 小時運作,日產量可望超過 10 萬個
預計首批口罩推出日期:3 月頭
預計口罩售價(每個):$1至$2
現況:已設立官網,並可進行會員登記。

2. 維特健靈

維特健靈眼見香港一罩難求,決定借助自身製藥專業,與本港生產及研發空氣過濾專利物料 MultiH 嘅廠商百達洋行(Focus)合作,共同研發高防護性嘅本土口罩。呢款「納米纖維殺菌防毒口罩」有足足 4 層,設計同市面嘅3 層口罩唔同;中間嘅過濾層更改成更精密糼細同具高透氣性嘅雙層「納米纖維網(Nanofiber)」!佢哋仲加入咗可以破壞細菌胞膜嘅醫藥級別物質,所以能比普通口罩更有效咁隔絕空氣中嘅懸浮粒子同病毒~維特健靈預計,「納米纖維殺菌防毒口罩」能達到細菌過濾效率(BFE)95% 或以上。

 

 

營運團體:維特健靈及空氣過濾物料公司 Focus
廠房地點:大埔工業區
口罩規格:4 層納米纖維殺菌防毒口罩
預計生產口罩數目:共生產 300 萬個口罩
預計首批口罩推出日期:3 月中
預計口罩售價(每個):暫未有資料
現況:官方表示會將所有口罩用作捐贈之用或以成本價發售。

3. HKTVmall

而本港大型網購平台HKTV mall早前亦宣布,大批口罩內層嘅Filter日前已經到貨,口罩機亦將於3月抵港,數量足夠製造超過100萬個口罩,加上HKTV mall老闆王維基2 月初親自前往台灣斥20萬美金購入口罩製造機,有望喺香港設生產線。

 

營運團體:HKTVmall(王維基)
廠房地點:暫未有資料
口罩規格:3 層口罩
預計生產口罩數目:共超過 100 萬個口罩
預計首批口罩推出日期:暫未有資料
預計口罩售價(每個):暫未有資料
現況:未有公佈更多消息。

4. 新世界

面對現時口罩荒問題,新世界希望能於本港生產優質口罩。旗下慈善基金現正籌備 2 條本港口罩生產線,兩部生產機器均購自台灣,而口罩原材料則於東歐國家搜購。同其他口罩廠唔同,新世界會一併生產成人同小童口罩。,亦唔會向政府申請資助。

 

營運團體:新世界發展旗下慈善基金
廠房地點:屯門
口罩規格:成人及小童口罩
預計生產口罩數目:日產 20 萬個
預計首批口罩推出日期:4 月投產,暫未有推出日期
預計口罩售價(每個):暫未有資料
現況:官方表示,會將自家生產嘅口罩免費派發比非牟利團體,希望與基層市民共渡疫情難關,同心抗疫。此外,集團將斥資約 1000 萬,與本地創科公司一同研發能阻擋、抑制甚至殺死細菌及病毒嘅納米鑽石防護物料,用於口罩中。

 

5. 香港製造 HK Mask

香港大學化學系博士、前香港中文大學講師鄺士山(Dr K Kwong)研發嘅可重用、隔病毒口罩,現時已進入準備量產嘅最後衝刺階段,預期3月中可正式量產,每月最少可生產200萬塊濾芯,並逐步提升至300萬塊嘅目標。HK Mask 係唯一可重用、可換濾芯嘅港產口罩。化學博士 K Kwong 表示成個設計冇任何專利版權,全球都可以自行生產,原意係希望有更多有心人之後可以改良產品。

 

 

營運團體:化學博士鄺士山(K Kwong)及 FOCUS Filtration and Engineering Limited
廠房地點:暫未有資料
口罩規格:可重用布套,及 Microfiber、Nanofiber 一次性口罩濾芯
預計生產口罩數目:月產 200 萬濾芯
預計首批口罩推出日期:3 月投產,暫未有推出日期
預計口罩售價(每個):布套可自製,濾芯每個 $2 以下
現況:官方表示,濾芯方面可因應用家需要,放入 Microfiber、Nanofiber,甚至袋裝紙巾或廚房紙應急。男士、女士、中童、小童、幼兒 5 個樣板嘅 HK Mask 布套紙樣亦已公開。另外,官方表示會將一半濾芯捐出,另一半作零售,將捐出部分零售收入。

6.一合口罩

「一合口罩」創辦人何錫漢本身為運動醫療公司嘅CEO,佢於2月中開設「一合口罩 - 一人一口罩」Facebook專頁。團隊有嚟自PolyU School of Design嘅設計專業、醫護專業、營銷及配送專業、財務專業同工科專業人員坐鎮,加上口罩機及原材料亦已一一落實,最快有望於4月應市。

 

  • 營運人/團體:何錫漢及二千多名人士
  • 口罩規格:暫未有資料
  • 預計生產口罩數目:暫未有資料
  • 預計首批口罩推出日期:期望最快4月應市
  • 預計口罩售價(每個):暫未有資料
  • 現時進度:口罩機及原材料亦已一一落實,最快有望在4月應市,現時正在展開第一輪人才招聘。

7. SOSo Mask

香港家庭教育學院早前舉行記者會,表示早前訂購 5 部口罩生產機,而口罩生產線現已完成組裝並於無塵車間內開始運作。

 

營運團體:香港家庭教育學院
廠房地點:暫未有資料
口罩規格:暫未有資料
預計生產口罩數目:首月生產約 30 萬個、第二個月起每星期生產約 70 萬個
預計首批口罩推出日期:已投產,暫未有推出日期
預計口罩售價(每個):$2
現況:官方表示口罩供應會分為兩部分,一部分將免費派發比長者、醫護等。另一部分會配售予診所、非牟利機構、醫護人員及基層市民等。

8. 口罩工場

工聯會向懲教署口罩工場取經,以該工場為藍本,生產港產口罩。由於口罩嘅過濾物料採購自懲教署口罩物料嘅其中一間供應商,該物料本身已獲認證,故有信心可通過 ASTM 等級 1 測試。首批口罩將作為慈善用途派發比長者及基層市民。

 

營運團體:工聯會
廠房地點:借用永富容器喺大埔工業邨嘅廠房
口罩規格:同懲教署 CSI 口罩一樣
預計生產口罩數目:首階段月產 10 萬個,共生產 200 萬個
預計首批口罩推出日期:口罩樣本已送往檢驗認證,需要 10 至 14 日先可以正式流出市面
預計口罩售價(每個):$2
現況:官方表示首階段生產嘅口罩唔會售賣,只會派發比有需要嘅市民,對象包括長者、前線工友及基層市民。

 

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
CASS

Editor

You May Also Like
This Week's Top Post
Brandy Melville 6月底正式登陸香港!
 - 2 years ago
疫情下就係下廚嘅好時機 去惠康買食材仲可以換領WOLL 廚房家電系列
Y小編 - 3 months ago
韓國Daiso聯乘《反斗奇兵Toy Story》超過30款生活精品 $7-35就可以入手~
CASS - 1 year ago
首1公斤由$22加到$30!順豐香港宣佈9月1日起作價格調整
CASS - 10 months ago
日本女神光環洗䕶髮系列 正式登陸香港市場!
 - 2 years ago
可愛少女心爆炸! 超夢幻Little Twins Star X Furla 聯乘系列
Y小編 - 6 months ago