英國兒童節目《天線得得B》（Teletubbies）曾經自1997年播出以來一直受到全球小朋友歡迎，甚至成為唔少人嘅童年回憶。韓國SPAO最近同《天線得得B》推出聯乘系列，令各位一齊重拾兒時回憶！系列有齊4個角色Tinky Winky、Dipsy、Laa-Laa、Po代表顏色嘅連帽衛衣，帽上更配上每位角色嘅獨有「天線」，非常特別！仲有毛毛室內拖鞋、襪、運動褲等，要約埋閏蜜作為閨蜜裝，一齊著先得！

連帽衛衣 39,900韓圜（約港幣$260）

必買4色連帽衛衣，有齊紫、綠、黃、紅4款角色專屬顏色，帽上更有每位得得B嘅獨有「天線」，就咁睇鮮豔嘅顏色同可愛嘅設計已經非常有購買慾！啱晒同閨蜜一齊著住打卡影相～

衛衣嘅袖上面仲有可愛嘅天線得得B刺繡圖案！絕對推薦比鍾意「怪怪可愛風」嘅你！著上身都已經係羞恥度爆棚，唔知大家又敢唔敢著出街呢？

運動褲 29,900韓圜（約港幣$195）

想成個Look更加完美就要加上同款運動褲！著去做運動、開Party都係唔錯嘅選擇～

童裝連帽衛衣 29,900韓圜（約港幣$195）；童裝連動褲 19,900韓圜（約港幣$130）

頭先講過嘅連帽衛衣同運動褲都有出童裝㗎！如果有小朋友嘅話仲可以買嚟做溫馨親子裝添〜

衛衣 29,900韓圜（約港幣$195）

除咗連帽衛衣外，仲有衛衣，都係以四位主角嘅紫色、綠色、黃色、紅色為主，衛衣嘅可愛度絕對唔比連帽衛衣小，如果唔想太高調，但又想著出天線得得B嘅特色，咁衛衣絕對啱晒你！衛衣嘅胸前同袖口繡咗一啲小圖案，款式百搭又帶點小可愛〜

連身裙（連髮帶） 39,900韓圜（約港幣$260）

另外仲有4色連身裙，胸口位置同樣繡有天線得得B嘅大頭，加上附送嘅天線髮帶，如果唔想買連帽衛衣嘅，可以考慮買呢款～

拖鞋 19,900韓圜（約港幣$130）

除咗衫褲，SPAO今次仲出埋鞋襪！睇下呢4款毛毛拖鞋，上面掩住眼睛嘅天線得得B簡直可愛到犯規〜

襪（一套4對） 15,900韓圜（約港幣$91） 

而襪上就有4個天線得得B嘅剪影，款式亦十分百搭，啱晒用嚟襯老爹波鞋～

另外，開售日開始，只要購買聯乘系列產品滿3萬韓圜，即可以4,900韓圜（約港幣$32 ）加購30cm天線得得B公仔一隻（四款中選一款），售完即止⁣！

聯乘系列於2月19日率先喺韓國SPAO網上商店上架，21日正式喺韓國全國分店發售。有意入手嘅朋友記得搵代購啦～更多詳情可以去官網睇睇！