為甚麼皮膚會變差？你可能忽略了糖份對皮膚的影響

膚 Skin Care | by Suey | 4 years ago

有冇人試過明明自己已經戒咗好多刺激性食物，例如煙、酒、咖啡、茶同埋辣嘅嘢食，但皮膚狀況仲係好差咁？咁有可能係你忽略咗糖份對皮膚嘅影響，雖然甜食的確好好食，有時仲會帶俾你幸福感添，但佢對皮膚嘅影響就真係一啲都唔「甜」喇。

膠原蛋白被醣化導致皮膚衰老

Collagen_Protein_The_What_Why_.jpeg (752×401)

骨膠原係蛋白質嘅一種，作用係支撐身體各部分嘅組織同保持皮膚彈性，但當體內糖分代謝後嘅多餘葡萄糖同體內嘅蛋白質結合，就會損害蛋白質嘅正常功能，呢個過程就係「醣化」。蛋白組織結構失去彈性，我哋嘅皮膚就會衰老有皺紋㗎喇。

刺激皮脂分泌引致暗瘡粒粒

_.jpeg (650×944)

高糖分的食物會引起血液中胰島素上升，導致身體入面嘅胰島素激增，繼而刺激皮脂分泌，所以就會生暗瘡同粒粒。平膚唔平滑，就算化妝遮晒啲瑕疵個妝感都係唔靚。

其實我哋日常生活中經常接觸到好多糖，好多你以為不含糖份嘅食物都係含糖，所以我哋真係由早到晚都攝取緊，冇誇張㗎！如果想皮膚變好，大家不妨考慮下戒糖，但小編明白對鍾意甜食嘅朋友嚟講係好難，小編真係明，所以建議大家可以先從減少攝取糖份入手。例如可以少啲飲飲品，如果好想飲嘅可以試下減糖，甜品都可以試下唔好食得咁密。希望大家都可以有靚靚嘅皮膚啦～

Tags: Homita愛美麗

如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？

Author Information