哩個幾禮拜天氣降到得番六、七度，真係令人徹夜難眠凍到震！係咁凍嘅天氣下，相信唔少人都會攞出毛毯、厚棉被、或電暖毯出黎保暖，不過究竟點樣先可以達到最佳嘅保暖效果呢？原來，襟被都有分次序，次序正確嘅溫度仲有可能比之前增加6度咁多！快啲一齊黎學下哩種咁有效嘅「三明治蓋法」啦！
寒流襲港，夜晚即使係被窩入面，身體仍是不斷發冷，原來棉被蓋法係有訣竅嘅！
專家透露，如果想增加暖度，可以使用「三明治蓋法」，將毛毯加在羽絨被外面先能有效鎖住熱能。原因係棉被裡嘅羽毛會因為人體氣溫而變得蓬鬆，可以有效隔絕外面嘅冷度，令保暖效果會大幅提升。而同時，毛毯屬於柔軟毛料材質，蓋係棉被上會變左一層保護層一樣，鎖住被內熱能。
如果仲係覺得手腳冰冷、瞓唔到覺嘅，可以再係床單上鋪多張保暖墊，利用「三明治」蓋法前後夾擊，保持背部溫暖。
有關「三明治蓋法」，專家仲曾經做左個測試，發現將毛毯加在被子外，瞓上床5分鐘都唔使窩內溫度就立刻飆高6度，十分有效！
想瞓番場溫暖好覺其實一啲都唔難，識得哩種蓋被方法，以後幾凍都冇有怕啦！
Tags: Homita新鮮事
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
