武漢肺炎殺到埋身，除咗買唔到口罩大家一定都好難搵到酒精同埋消毒搓手液。不過唔緊要，非常時期非常做法：就係雙飛人藥水同埋香水。
消委會曾經指出，酒精濃度60至80%嘅嘅火酒或者搓手液係最有效殺菌，如果濃度太高反而會適得其反。所以雙飛人藥水同埋香水就係一個唔錯嘅代替方法，當然講緊係你搶唔到搓手液同埋酒精嘅情況之下啦！
雙飛人藥水嘅成份入面有80%係酒精，所以有機會可以代替消毒酒精或者搓手液。
對人推薦可以使用香水，因為香水係純酒精同埋精油嘅混合，唔會加任何嘅蒸餾水。不過，你要留意自己嘅香水究竟係香精、香水、淡香水、古龍水定係鬍後水，因為佢哋嘅酒精濃度係唔一樣架！真係有機會可以代替到嘅就只有酒精濃度喺70至85%嘅香精同酒精濃度係80%嘅淡香水。
當然，小編建議，如果可以買到甘油同火酒等物料，最好都可以試吓自製搓手液，畢竟香水嘅氣味都比較濃烈，價錢亦都比較貴，只係原理上可以替代，使用前都要自己衡量一下。
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
