相信幾乎每位女生都擁有至少一對NIKE波鞋,波鞋款式多樣又百搭易襯,最重要係舒服好著,唔怪得之咁受歡迎!最近國外就推出咗一款絕對稱得上為全年最靚嘅新色-「奶油色」限定版AirMax270波鞋,溫柔大地色配色真係令人忍唔住要剁手買!
最近國外有一對限定款式AirMax270波鞋,一上架就被搶購一空!究竟有咩吸引力?呢對將經典270鞋型融合大地色調,成對鞋洋溢住溫柔氣息~充滿細節嘅一對鞋,承襲AirMax270一貫輕盈舒適感,根本令人完全無法抗拒!
講到NIKE AirMax系列,都一定會諗起其經典獨家特製氣墊鞋底,令你有超舒適嘅穿著體驗,著住行成日街,都唔會有疲憊感。而略窄嘅鞋頭更令女生們唔洗擔心著上之後會顯腳大腿粗~
唔好以為著波鞋出街就係頹LOOK,近年波鞋設計同配色層出不窮,令你可以搭配出時尚感。就好似呢對奶油色Nike Air Max270,你可以搭配T-SHIRT、牛仔褲等簡單造型嚟突顯呢對擁有特別配色嘅波鞋。
全新色系「TEAM GOLD」以淺奶油色調做主打!最近興起奶茶色系波鞋,NIKE亦跟住潮流走勢,於鞋側設計加入溫柔奶茶色 ,令成對鞋就好似溫潤漸層奶茶一樣,醇厚又充滿冬季質感 !
呢種輕輕帶啲奶茶色作為點綴嘅設計,有別於大部分成對都係奶茶色嘅波鞋,加上係限定款式,絕對唔易同其他人撞款,係相當獨射嘅設計~
NIKE LOGO更選用暗啡紅撞色,襯落奶油奶茶色鞋身,反而令NIKE LOGO更突出,令鞋款望落更型格。成對鞋配色都好適合冬季,絕對係今季唔可以錯過嘅鞋款!
係唔係睇完呢款奶油色Nike AirMax270波鞋覺到非常心動呢?有興趣可按此>>FarFetch了解更多!心動嘅話不妨搵代購入手啦!