國際色彩權威 Pantone 每年 12 月都會公布出年代表色，大家仲記得 2019 嘅代表色係Living Coral「活珊瑚橘」嗎？新鮮出爐嘅 2020 代表色係「經典藍」（Classic Blue），一個代表寧靜、永恆、優雅嘅顏色，點解會當選呢？

從 2000 年開始，Pantone 嘅色彩專家根據佢哋對全球變化趨勢嘅觀察，分析出能夠代表下一個年度嘅顏色。嚟到 2019 年尾，Pantone 宣布咗 2020 年代表色係色號 19-4052 嘅 Classic Blue「經典藍」。相較於今年活潑生動嘅珊瑚橘，Pantone認為，藍色係「令人安心的存在，注入了平靜、自信與連結」，要為「人類精神帶來和平與安寧的感覺，並提供一種保護感」。

呢個經典藍比我嘅感覺係喺一個空曠草原、接近傍晚時夜空會見到嘅顏色。當你望住傍晚黃昏天空時，精彩嘅一天似乎先啱啱展開。你會諗，下一刻等喺前方嘅會係咩？現今全球有好多人對一切感到唔確定，似乎腳下世界不斷變化中。

Pantone 表示， 我哋正邁向全新十年，喺下一個世代，我哋渴望建立值得信賴、穩定嘅信任基礎，而經典藍帶比我哋心靈和平、安寧、被保護嘅安全感，大家總愛望向藍色天空尋求靈感，呢個顏色可以幫助我哋專心，並釐清、整理慌亂嘅思緒。

 

 

 

 

View this post on Instagram

 

 

 

 

 

 

 

 

 

 

 

A post shared by PANTONE (@pantone) on Dec 10, 2019 at 1:38pm PST

回首2000年首度公布嘅年度代表色，當時人們同樣對於邁入千禧年抱有不確定感，因此當年選擇「蔚藍色Cerulean Blue」為代表色，其寧靜色調代表咗對新千年世代嘅想望。

雖然經典藍比較普通，但「經典」先係最易展現嘅顏色～ 大家衣櫃裡面應該都有藍色衫，牛仔布產品就係最好代表！睇嚟今年應該可以輕鬆跟上顏色嘅潮流～應該已經有超多廠商忍唔住要推出「經典藍」商品啦！