上星期同大家介紹咗編新入嘅聖誕限定禮盒，但其實Too Faced仲有個優惠，就係買夠1000蚊會送一盒Chocolate Gold 眼影，所以係買禮盒同時小編都入多咗一盒Gingerbread eyeshadow palette同Diamond Highlighter 鑽石高光粉盒，等我一一介紹比大家！
＃Gingerbread Spice 眼影盤 HK$380
其實呢個眼影盤舊年已經出咗，一打開就係薑餅嘅味道，官網話佢係大地啡橙金色調，但佢嘅紅色、粉色同紫色先係吸引人買嘅原因，令到大家嘅聖誕妝容再不單調。想要甜美啲可以使用橙紅調搭配粉紅色、想要優雅可以使用大地色配香檳色、晚妝轉做紫色配金色都好有Party Feel~
用Sugar Daddy打底，疊加上Spice is nice，用Reindeer Paws暈染出自然嘅眼線，再用Frosbite Me同Spiked Eggnod係眼頭、眼底同眼球上打光，用粉紅色打造甜美感~
#Chocolate Gold 眼影盤 (滿$1000送，可以分4次$250單都可以喔~)
本身一打開見到顏色都真係覺得有少少誇張，但短短一個星期小編就用咗佢3次!因為佢嘅閃粉唔會隻隻都好高調，反而係好靚嘅光澤感~有幾格啞光色都好靚，用黎打底或者疊加做立體感都好靚，唔算飛粉，怕飛粉就用Eye base打底或者用眼影棒上就解決到~加上佢一打開就傳黎好香嘅朱古力味，用佢嘅時候真係覺得超有幸福感！
上圖係用咗Rollin' in Dough打底，Famous同Classy & Sassy係上眼皮同眼底，再用Rich Girl打光，用Decadent畫眼線，全部用掃上，冇用Primer啲閃粉都會有少少飛出黎，不過唔算好嚴重~Rich Girl打光真係好靚，一打出黎成個眼妝立體晒!
#Diamond Light Highlighter 鑽石亮光粉盒 HK$285
鑽石彩虹亮光，勁有獨角獸嘅感覺。唔好以為Cool tone highlight 就好難Carry，其實用掃上一上唔止即時立體咗，仲帶有幻彩夢幻感！同埋佢係可以用係眼影上Build up成為超靚嘅幻彩白，用黎打係眼頭或者塑造卧蠶都好靚。
