Too Faced限量版聖誕套裝日前終於係香港買得到啦~小編梗係九秒九一放工就衝去入貨啦~今年嘅薑餅人糖果屋派對套裝真係超抵買!HK$455就有齊26色眼影盒 + 3合一胭脂光影粉+ 旅行裝睫毛膏 + 啞光唇釉+ 眼影底霜,加上包裝真係超可愛,真係忍唔到手啊!(想睇埋其他眼影,請到:Too Faced 開箱第二彈 獨角獸光芒的打光也太夢幻了吧!)
一打開粉色加金色外盒,就聞到一浸甜甜嘅秋冬限定曲奇味。上面見到旅行裝嘅Better than sex 睫毛膏同眼影底霜,再入面係由2盒影眼影同一盒光影組合超靚嘅薑餅屋,佢地互相用磁石吸住,真係好可愛~另外仲有一枝薑餅人啞光唇釉添!內容真係好豐富~
Better than sex 睫毛膏本來就係佢地嘅熱賣產品,獨特嘅刷頭可以增加每條睫毛上到嘅膏量,從而令到睫毛感覺更濃密豐盈。
Deluxe Melted Malted Matte Gingerbread Man 顏色真係好秋冬,紅棕色調唔蝦人搽,不論你係白皮、黃皮定黑皮都可以開心Carry,而且好香薑餅味,一用就好有冬日氣氛。
上眼影之前就梗係要用眼影底霜,甘先可以令到眼影更持久更顯色~薑餅屋頂係由比較暖色調嘅Highlight、胭脂同陰影組成,hightlight閃粉做得好細緻,可以做出精緻又自然嘅提亮效果。胭脂顏色好日常,唔會太過粉,亦都唔顯老。
薑餅屋主體係20色眼影,有一半左右都係閃爍系列,出席Party用佢無問題~小編自己覺得Too Faced 嘅閃粉眼影一直都做得非常唔錯,用手上用掃上都唔會飛粉。而啞光眼影用掃上會有少少飛粉問題,不過用海綿棒或者手指上就可以解決,而且粉質都幾細幾貼服,一盒可以搞掂全個秋冬嘅眼妝。
而大門就係6色眼影,呢盒主要係大顆粒嘅閃粉,返學返工就可以靠呢盒眼影,由日常妝容輕鬆層加成華麗Party Look,小編大推Snow Pink,玫瑰金色閃粉少女感十足,一用就可以成為派對焦點~
以下係小編用呢個Palette嘅上眼圖,如果想顯色再Build up多一至兩層都好出色~
今次小編就分享住咁多先,下次再同大家分享更多戰利品!
聽講聽日Too Faced嘅新店會係沙田開幕,大家又有冇興趣去睇下有咩優惠呢?