珍珠奶茶喺日本嘅熱度唔單止冇減退，反而仲有越嚟越紅嘅趨勢，繼之前報導過嘅「珍珠奶茶酒」、「珍珠奶茶朱古力」後，近日有日本網民發現 meiji（明治）推出咗「珍珠奶茶乳酪」，一眾「珍奶迷」又有口褔啦！
珍珠奶茶唔單止喺台灣香港大熱，就連日本都吹起咗珍奶風潮，日本人對珍奶嘅熱愛程度絕對超出你想像，種種珍奶創新食品層出不窮，最近日本明治公司都加入呢個行列，推出咗期間限定「珍珠奶茶乳酪」～
乳酪嘅外包裝同布甸差唔多，打開後，上層係奶茶口味嘅乳酪，而下層則係滿滿嘅珍珠配上紅茶醬。建議大家打開後先將上下兩層撈勻，咁就可以每一啖都食到珍珠同紅茶醬，口感會更加豐富。
唔少櫻花妹高度推薦呢款乳酪，話有超濃郁嘅珍奶口味！不過亦有部分網民唔不太鍾意，表示奶茶加乳酪嘅配搭，似變酸咗嘅珍奶，更幽默留言：「拜託你哋停手，放過珍珠奶茶啦，唔係樣樣嘢夾奶茶都好食！」
雖然好壞參半，但難得嚟到日本，不妨就試下啦！更何況係期間限定產品，錯過咗，唔知之後仲會唔會有～
各大超市及便利店有售~
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
