身為一個土生土長嘅香港人，小編最近都真係陷入咗一片愁雲慘霧之中。作為一個吃貨，最快令自己振作嘅方法就當然係食嘢啦！想必大家都好想支持一下香港人開的小生意，幫襯一下啲良心小店。
旺角樓上Cafe 90s LAZY，由六位90後的有心年青人開設，於旺角嘅熱鬧之中僻出一個舒適嘅用餐空間，大家都不妨去呢間小店好好同朋友享受嘅個咁令人放鬆嘅空氣。
今次小編就黎試下呢度嘅嘢好唔好食啦，由於我地無Book位，所以上去都要等一陣，店員唔知係咪怕我地會熱，叫我地入去入面等。今次我地叫左一個是但全日早餐、一份松露薯條、一份拿破崙意粉同2杯飲品。
係完全滿座之下，食物都上得叫做快，雖然無特地去擺盤，但份量同賣相都真係好有誠意~呢度嘅意粉有家嘅味道，同連鎖店食到嘅茄汁意粉相比比較清，反而小編比較喜歡呢種小清新系嘅意粉，食落比較無負擔。
是但全日早餐有茄汁豆、法蘭克福腸、沙律、炒蛋、多士等等，以價錢而言份量都幾多，除咗炒蛋可以炒得更滑之外，都真係幾唔錯架！
而松露薯條真係小編嘅大愛，我地掛住傾計，凍咗先食都覺得好好食，松露醬偏甜，同炸得酥脆嘅薯條真係好Match！
小店今年夏天先開業，遇上近月來的種種事件都依然同大家愛護香港呢個家，係咪好抵錫呢?
90s LAZY
地址：九龍旺角亞皆老街83號先施大廈4樓01室
Facebook：https://www.facebook.com/90slazy/
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
