即使沒有看過《花生漫畫》，也一定認得裡面的白色狗仔Snoopy和他的主人查理布朗。原來外表可愛、造型多多的Snoopy也深得日本人歡心！

早在2014年4月，Snoopy便帶著牠的朋友來到九州插旗，開設Snoopy茶房。為咗打入日本市場，Snoopy其實好識do，入鄉隨俗換晒和服兼化身成和風料理，務求令更多人認識佢，兼且拜倒喺佢嘅萌樣之下。

貴為全世界首間和式茶寮，由布院的Snoopy茶屋從外部便已花足心思。茶屋主要分成三個區域，首先為室外的雪糕小屋。若然沒有時間入內慢慢逛，買杯綠茶雪糕消消暑也是不錯選擇。不過嚟得囉，就梗係要入去朝吓聖！

茶屋內部設有商店，甫進屋便有大大隻Snoopy坐在鞦韆上悠哉悠哉的迎接大家。商店內從公仔到小食都應有盡有，亦有不少在這裡才買到的限定商品，各位Snoopy fans預咗買到大出血！而食物方面，多款餐點全部睇得又食得，可愛得嚟味道方面都有保證。不過最緊要都係畀相機食先，用嚟打個卡呀嘛！

睇怕fans嚟之前除咗儲定彈藥，仲要記得留返啲手機同相機嘅記憶體容量！

SNOOPY茶屋
地址：大分縣湯佈院市湯佈院町川上1524-27
電話：0977-85-2760
營業時間：商店 9:30am-5:00pm、餐廳 10:00am-5:00pm
網址：http://www.snoopy.co.jp/chaya/