御守係日本文化其中一個好重要嘅象徵，日本人深信佢地能為人帶黎好運、錢財、健康、學業，甚至愛情。小編每次去日本參拜神舍，都一定會買當地嘅御守，除左因為可以帶黎福氣，亦因為佢地外表精緻可愛。

近幾年係日本非常之受歡迎嘅「一心堂本鋪」，一向以歌舞伎同各式各樣嘅卡通面膜而出名。而係今個月頭，「一心堂」推出嘅療癒系商品「福福潤唇膏」（Fuku Fuku Lip），再度掀起熱潮，一上架就被客人掃清光！不得不承認，日本人嘅商業頭腦真係好靈活，竟然將遊客最鐘意嘅御守做成潤唇膏販售。

哩個「福福潤唇膏」係美妝界前所未有嘅創意，結合左「保護嘴唇嘅潤唇膏」同「護身御守」兩個概念，達到隨身攜帶、守護身體兩個效果。係製作上，「一心堂本鋪」一啲都唔馬虎，嚴選12種高保濕植物成分並加入左日本國產嘅柚子精油，令水份可以持久鎖住，保持嘴唇嘅潤澤，同時又能享受到柚子嘅淡淡清香。

福福唇膏嘅御守係依據山梨縣富士吉田市嘅傳統織法，由設計到縫製皆由職人們一手包辦，另外再搭配據傳1000年以上歷史的富士山泉水染成嘅織布，再以織布機織成，每個步驟都能看得見日本人嘅心思。

「福福潤唇膏」嘅造型袋子一共有19款不同的樣式，當中包括有波點、間條、千鳥紋、金平糖和錦鯉等圖案。

（4g 售價 HKD$76）

而最新嘅17至19號主題特意挑選左象徵好運嘅「富士山」、「不倒翁」、「煙花」。想係新一年行好運嘅化妝品控，黎到日本一定要入手哩個咁可愛嘅守護脣膏喔！

專頁網站：http://www.isshin-do.co.jp/fukufuku.html

售賣店鋪：東急手創館、LoFt、一心堂本舗直營店（網站、東京晴空塔・SORAMACHI店）