近日喺韓國IG界掀起一股「友情登錄證」（우정등록증）熱潮，韓仔韓妹最近流行將友情記錄喺一張類似身份證嘅「登錄證」上，除咗「友情登錄證」、仲有「情侶登錄證」、「結婚登錄證」、「家庭登錄證」、「寵物登錄證」、「嬰兒登錄證」等等，將 各式各樣嘅「愛」記錄喺一張可隨身攜帶嘅卡片之上。

感情到底點樣證明比人睇？將感情嘅見證印喺「登錄證」之上，可以喺IG出post放閃，又可以隨身攜帶，隨時攞出嚟向別人炫耀，呢張小巧嘅登錄證，只有86mm x 54mm，係標準信用卡嘅呎寸，放喺銀包、手機套內非常方便！

最頂5個大字「우정등록증」就係「友情登錄證」嘅意思，下面係一對閨密嘅名同出生日期，下款係「友情認證委員會」同發證日期。好似真係有一個組織認證咁，有一種為對方作出承諾嘅感覺，答應同對方要做一世好閨蜜～

而背面則係以BEST FRIEND為藏頭詩，並寫出各種如相信、享受、笑容、謝謝等保持長久友誼嘅小秘訣～

除咗二人閨密，一班好姊妹都可以一齊製作「友情登錄證」。

除咗傳統證件款式嘅登錄證，亦有「扮」Instagram、Facebook版面嘅設計。

很想擁有一張「友情登錄證」吧？韓國多個購物網站都有商家提供服務，如Smart Store、Gmarket，部分可把證上的資料以英文印刷，亦有商家提供海外郵寄服務。

有咗呢張登錄證，隨時隨地都可以向別人證明彼此獨一無二嘅感情，係唔係覺得擁有一張登錄證好特別呢？下次有機會同朋友、情人一齊去韓國玩嘅時候，不妨順便去領一張嚟玩下～

想製作專屬登錄證嘅朋友快啲去【idus 官網】睇下啦～