去快閃首爾話都無咁易!出發前必睇首爾最新好去處終極懶人包 !
首爾路7017為首爾政府最新規劃嘅綠色空中花園,由70年代嘅高空行車天橋活化而成,2018年先啱啱啟用,係呼吸新鮮空氣同欣賞首爾城景嘅好地方!首爾路7017代表緊兩個年份,「70」指天橋建造於70年代,而「17」就係展開活化嘅年份。
首爾艦公園
睇完《軍艦島》同《太陽的後裔》,係咪唔多唔少都對韓國軍人感興趣或者好奇呢?新鮮滾熱辣,喺2018年底先開幕嘅首爾艦公園,就展出咗三艘已經退役嘅軍艦,比你一探軍人嘅生活!
首爾艦公園位於為人熟悉嘅漢江,係韓國人平時散步嘅聚腳點,周末好多人去野餐!除咗可以對住一大片海景,吹下海風,不時仲會有特色小攤擺賣,氣氛非常寫意悠閒。
Running man體驗館
講到韓國最受歡迎嘅綜藝節目,就不得不提由2010年開播至今嘅Running Man!雖然Running Man已經換過幾代主持,但節目越做越紅,百看不厭,世界各地都有Running Man粉絲嚟體驗館朝聖,有齊節目經典遊戲任你玩。
想感受一次參加Running Man嘅感覺,呢個首爾新景點就岩哂你同一大班朋友喇!玩完仲可以返張成績表,包你玩過癮!
Stonebrick 唇膏牆
弘大商圈一向係不可錯過嘅shopping熱點!近排比較觸目嘅新店,就係韓國化妝品牌stonebrick 弘大旗艦店,店內嘅唇膏夢幻地一字排開,佈置設計非常有質感,驟眼望落以為係藝術館展覽,真係勁吸睛、勁治癒~據稱全店有多達95款色號唇膏,唇膏迷見到應該會為之而瘋狂!
Kakao Friends Store弘大旗艦店
弘大商圈人氣新店No.2!弘大旗艦店係韓國第二間Kakao Friends旗艦店, Kakao Friends最受歡迎嘅 line Sticker人物, 足足有3層樓咁大,唔單止售賣Kakao Friends嘅周邊商品,仲有一個好搞鬼嘅Kakao meseum。shopping行到攰嘅時候,特別推薦去店內嘅Ryan Cafe,嘆個下午茶!隻隻Kakao Friends個樣都夠哂抵死鬼馬!