外國男演員積遜莫瑪（Jason Momoa）憑DC超級英雄電影《水行俠》（Aquaman）一角廣為人知，早前更落實會拍《水行俠2》，但日前積遜莫瑪指自己未能拍續集，更全心加入示威活動，極力抗爭！

事源積遜莫瑪嘅家鄉夏威夷，當地政府正於睡火山 冒納凱阿 Manua Kea範圍內，大興土木興建價值14億美元（約109億2000萬港元）嘅「30米望遠鏡」（Thirty Meter Telescope，簡稱TMT）。積遜莫瑪決心要保護家園，日前更講笑，話《水行俠》續集將無法開拍，原因係佢為咗阻止建築商破壞大自然，已遭推土機輾過。 但喺佢發聲後不足一星期，突然被4位警察拘捕，嚇死一眾粉絲！

積遜莫瑪喺相片中被4位穿上寫有「Police」制服嘅警察銬上手銬，但其實只係虛驚一場，據知情人士透露：「積遜莫瑪係自願戴上手銬嘅，佢本身就好鍾意同粉絲一齊玩，加上當地警察想同佢合照，所以佢順勢擺出被警方拘捕嘅樣，實際上佢無被捕。」 另外更有網友補充：「其實警察同都係夏威夷人，心中亦反對興建TMT。」所以大家只係開玩笑。

擁有夏威夷血統、熱愛呢片土地嘅傑森摩莫亞，趕回家鄉拜訪當地反對TMT嘅原住民，戴上綠葉花環力挺，近日不停喺IG上傳現場照片，並親自帶同仔女參加抗議活動，就係為咗守護呢片土地。

《正義聯盟》扮演「閃電俠」嘅艾薩米勒（Ezra Miller）亦趕嚟聲援，事件引起全球粉絲關注，成為國際矚目嘅新聞。

事實上唔只傑森摩莫亞，動作片巨星巨石強森（Dwayne Johnson）亦曾公開反對搭建天文台，佢擁有薩摩亞人血統，同夏威夷同屬南島語系，7月他亦曾前往當地為抗議者站台。

傑森摩莫亞不惜放狠話亦要保護嘅呢座毛納基山，被科學家認為係全世界最適合當作天文台嘅基地，佢同時亦係夏威夷原住民心目中嘅「聖山」，只有舉行重大儀式時先會進入。 然而，夏威夷政府卻批准美國、印度、日本、中國及加拿大出資14億美金，喺毛納基山建造「30公尺望遠鏡」，當地原居民指工程褻瀆聖地，自2014年動工至今，就不斷受到當地原住民抗議，導致工程無法如期推行。