一年一度嘅美食博覽於8月15號開鑼啦！超過600家參展商共聚一堂，吃貨係時候出動啦！等小編為大家透露尊貴美食區有咩必食推薦~

Hall 3B Gourmet Zone 尊貴美食區

LIFETASTIC (攤位: D06-10)

LIFETASTIC嘅草莓西瓜蛋糕喺IG好評如潮，港女都人人手捧呢件源自澳洲嘅Signature Cake，影相打卡。

蛋糕唔只睇得仲食得，層次分明，底層係杏仁粉做嘅餅底，士多啤梨同西瓜中間夾住玫瑰忌廉，面頭鋪滿食用花，每啖都食到獨特嘅玫瑰花香氣！

果種春夏嘅感覺再加層Filter，輕易喺IG吸晴兼呃like！蛋糕味道清新不甜膩，店主以杏仁粉代替麵粉做出較有咬口嘅質感，更重要係無麩質，食落都健康啲！

MILK TOP (攤位: 3E-C02)

來自日本北海道嘅MILK TOP於2006年由日本嚟到香港, 由最初寂寂無名嘅小店, 喺短短幾年成為廣為人知嘅雪糕牌子,當中關鍵係 MILK TOP 用心做雪糕嘅誠意同對原材料嘅執著。

喺生產過程中除咗唔添加防腐劑，色素同香料等添加劑外， 喺原材料嘅選擇上亦有一定嘅堅持，MILK TOP採用100%北海道出產之函館3.7鮮牛奶作為原材料，另外亦採用當季新鮮水果，令雪糕甜度降低，以滿足唔同客人嘅需求。

MILK TOP 除咗雪糕外，更引入日本大受歡迎嘅玻璃樽布甸，除咗牛奶布甸，MILK TOP 不斷喺口味上創新，推出草莓、朱古力、抹茶、曲奇等新口味，更不時推出時令限量味道，廣受客人歡迎。

臺中館 (攤位: 3D-C02)

臺中市政府推薦出10家優良業者參展，包括九個太陽、久久津、沃農士(阿聰師)、棗道甜、麵本家、森岳(鹿窯菇事)、元明商店、美式口、有幾園(康健生機)與丸文食品，展出具代表性嘅臺中在地伴手禮，其中多家均有獲獎紀錄與嚴格認證保障。

臺中形象館將於8月15日上午11時於香港會議展覽中心臺中館攤位(3D-C02)舉行開幕活動，現場提供糕餅免費品嚐與原住民傳統舞蹈表演。此外，8月19日17時在公眾館舞台將舉辦臺中特色伴手禮推介活動。

現場仲有好多其他食物攤位等待大家去發掘，大家記得唔好錯過啦!