有無熱愛夢幻童話風嘅女生？雖然小編平時唔係一個特別少女心嘅人，但係見到呢幾款獨角獸Highlight，都即刻融化！夢幻配色，加上獨角獸可愛造型包裝，唔怪得引起瘋狂熱潮！

＃Bitter Lace Unicorn Prism

Bitter Lace係首間推出「彩虹修容餅」嘅公司！當時推出咗六款精緻顏色，排起嚟就好似彩虹一樣引人注意。修容款款顏色鮮艷，小編覺得去參加 Party 等場合就最適合～

＃Makeup Revolution Unicorns Heart

光影粉粉質幼細，折射出超細膩嘅彩光效果～ 好似棉花糖嘅柔軟色系，打造更多唔同風格嘅妝容！呢一款色調就比較淡一啲，就算平時化佢出門口，都唔誇張！加上精緻心型包裝，完全少女心大爆發 ♥

無論妳想變身獨角獸、定係美人魚，都絕對唔可以無呢個少女心、童話味十足嘅修容餅 ♥

＃Maybelline Master Fairy

講到CP值高嘅開架彩妝，咁嚟自紐約嘅Maybelline絕對榜上有名。Maybelline將彩虹光以及2018年Pantone代表色紫外光為靈感，運用火山岩石萃取天然稜鏡礦物粉末，打造出2款打亮產品。

每款含有4隻色，兼具修容、打亮、胭脂、眼影功能，可以修飾臉部輪廓，令五官更加立體。夢幻彩虹打亮餅收藏咗粉紫、天藍、嫩黃、粉紅色彩，閃耀銀河打亮餅則由淺到深嘅紫色組合而成。

＃toofaced Life's a Festival

歐美夢幻少女彩妝品牌toofaced推出一系列以獨角獸為主題嘅彩妝產品「Life's a Festival ！用獨角獸魔幻光打亮粉餅提亮輪廓，呈現更立體妝感。5款打亮色調，獨特打亮配方令肌膚透出如珍珠般嘅光芒，任何角度望上去都有唔同嘅感覺。

一共推出咗兩款修容餅，分別係獨角獸同彩虹圖案，好想兩個都收藏啊～～～
https://www.toofaced.com/shop/collections/lifes-a-festival/

＃Too Cool For School Lumineuse Varnish

Too Cool For School 嘅Artclass系列相信大家都熟悉，但唔知呢個粉餅大家有無見過呢～打亮粉餅帶有微小珠光，珠光顏色均勻地推開後，顏色極美，唔同角度折射出嚟嘅光澤都唔同 ♥

如果怕太亮麗、顏色太over，carry唔到，其實以上嘅打亮粉餅可以一物多用！

「打亮」用法：用化妝掃輕掃，均勻混色用作全臉修容打亮；或者單獨使用黃色、白色提亮顴骨、鼻樑、眉骨等處。
「腮紅」用法：依照個人喜好任選單色輕刷於蘋果肌，或調色當腮紅使用
「眼影」用法：可選紅、紫、藍單色使用，或多色混色疊擦達到多彩效果。