香港女仔嘅頭毛從來都係五顏六色嘅，由最初流行嘅啡色長直髮到依家大街小巷粉色、灰色、紫色、銀色。靚歸靚，但三番五次燙染損傷，而唔識好好保養，唯有最後快刀斬亂麻，剪曬變短髮。OH, NO!

今次，小編就分享幾個私藏吹頭技巧，幫大家保養好每一絲秀發！

吹頭之前先用乾髮毛巾擦乾

首先大家一定要知漂染過嘅頭髮由於毛鱗片受損，頭髮就會變得好似海綿咁，吸好多水，頭髮就會難吹乾啲嘅。而一直對住個頭吹呢，一係會另頭髮局部高溫二次受損，二係好嘥時間。用乾髮毛巾擦乾或者裹住個頭，盡量比佢吸多啲頭髮中嘅水會好啲。

仲有一種乾髮手套，Sasa就有得賣，都可以嚟試下。

擦乾頭髮後、吹頭前使用護髮產品

依家市面上有好多專for吹頭時使用嘅護髮產品，可以修護毛鱗片，防止吹頭時對頭髮二次損傷，仲可以加快吹頭速度。吹完成個頭仲好香添！

拆去風筒『吹嘴』

其實吹頭髮最緊要風力要大，而好多普通吹風機嘅風力並唔係好夠。但唔曬擔心，都唔曬特登買貴風筒。只要拆去風筒前面嘅『吹嘴』，就可以保持足夠風力。而『吹嘴』其實係用嚟局部造型時先會使用，如果唔識整，可以完全唔曬用到『吹嘴』。

吹頭由髮根開始吹

最開始吹頭，唔好著重髮型效果，已吹乾為目的。先開大風，保持溫度係37度左右，將髮根部位吹乾，再慢慢向下吹乾髮尾。

吹至7-8成乾時開始吹整

吹至7-8成乾嘅時候就可以開始吹出造型了。可以先從髮根向髮尾順住毛鱗片方向吹。吹得比較順之後仲可以借助圓梳安上『吹嘴』將頭髮梳順。