香港人乃至華人世界都有出去旅行一定要送手信嘅習俗,但去左咁多次日本,每一次買手信都係我哋出去旅行最頭痛嘅一件事。好似完成任務咁,送的唔好,就顯得毫無誠意。
唔曬擔心,今次下邊就發掘左一家絕對唔會失敗嘅手信之選。每一次小編去日本都會點名要求買呢間做手信呢!佢就係創立於2011年的TOKYO MILK CHEESE FACTORY。
呢間嘅所有產品都係嚴選北海道鮮奶同來自法國嘅芝士,最主打嘅『牛奶芝士餅』絕對係首選之中嘅首選。
大眾都可以接受嘅海鹽芝士味
呢款嘅芝士係用卡門貝爾芝士,唔會好酸,香濃嘅奶香中夾雜少少鹹味,點食都唔會覺得膩。
女仔最愛蜂蜜芝士味
呢款嘅芝士係選用葛根索拉芝士,相比海鹽芝士,就會再甜少少,但又有蜂蜜嘅清爽。店員就話係女性大推款。
獨特牛肝菌芝士味
唔知大家有無食過牛肝菌,小編係雲南試過,真係好好食!鮮甜清新,完全無其他菇類嘅土腥味。今次呢個牛肝菌芝士味就結合左牛肝菌同車打芝士。鍾意嘗試新鮮事物嘅你一定要試,唔會失望嘅!
除左芝士餅,仲有其他都好好食嘅野。但由於新鮮整嘅賞味期限就無芝士餅咁耐,如果好快送出去,或者買返屋企自己食都係一個唔錯嘅選擇。
牛奶芝士蛋糕
小編本身就係對Cheese cake無力抵抗嘅人,呢款又比係一般嘅芝士蛋糕嘅奶香味更重。選用法國忌廉芝士,又唔係好酸,入口即化。如果有機會去東京,真係強烈推薦一定要試下。
牛奶只是方塊燒菓子
呢個號稱係成間舖頭最奢侈嘅產品,因為係燒制嘅過程中,濃縮做牛奶同芝士,留低係呢個小小方塊中嘅都係精華!濃郁好味,都係唔好錯過嘅精品。
TOKYO MILK CHEESE FACTORY不定期仲會推出期間與節慶限定的包裝與口味,如果啱啱好遇到嘅話請一定唔好猶豫地去買吧!
購買詳情: