抽獎抽中率最高嘅一定係潤手霜，屋企有成堆但又用唔切好容易就會過晒期。過咗期就要即刻掉晒佢？No no no千祈唔好咁浪費呀！因為原來hand cream除咗潤手之外仲有好多唔同用途，可以幫我地解決好多生活小問題㗎，跟實小編睇下究竟有咩神奇用法啦！

1. 潤髮乳

除咗髮尾油外，大家可以將頭髮吹至半乾後，喺髮尾塗上薄薄一層Hand cream。Hand cream有很好嘅保濕效果，可令頭髮望落順滑不毛燥，仲可以防止頭髮因為靜電而蓬亂。不過上薄薄一層就好，太多會黏笠。

2. 卸妝

夏天出門，到咗黃昏眼妝溶到變熊貓眼，又咁啱用完卸妝用品或者無帶出街？唔洗擔心，Hand cream中含有油份，因此有少許卸妝油嘅作用，擠少少護手霜喺暈開處稍微抹一下就能夠將眼妝恢復乾淨明亮嘅狀態！

3. 加入到粉底液使用

天氣乾燥時，可以將潤膚乳混合至粉底液，加強保濕效果，粉底液同Hand cream嘅份量比例應該為4:1。

4.指甲油上色零NG

搽指甲油嘅時候，有時候會唔小心搽出指甲邊界，其實可以喺上色之前先稍微使用護手霜圍住指甲邊緣，就算搽出界都能輕易用紙巾擦掉！

5. 撕標籤貼紙

撕標籤貼紙嘅時候成日撕唔乾淨，撕一半就斷，殘留嘅粘粘感覺真係好煩，標籤痕跡又唔美觀。原來呢個時候，Hand Cream就大派用場！先搽一層hand cream喺標籤上面，等幾分鐘，然後就可以輕鬆咁撕走貼紙啦，再用紙巾抹或者用水沖下，護手霜就可被洗走。

6. 避免鏡面起霧

沖完涼嘅時候鏡總會起霧，原來喺鏡上塗上薄薄一層hand cream，就可防止起霧！鏡一但有跡就好難擦乾淨，只要塗一點護手霜在鏡子上面，然後用紙巾擦勻，不僅鏡子會變得很乾凈，也會變得不容易黏灰。緊記只塗薄薄一層便足夠，不要塗太多！

7. 恢復吸盤吸力

吸盤用耐咗或者經常沾水吸力就會好快下降，丟掉又浪費，但用嘅時候又成日掉，hand cream就可以幫手解決困擾。喺老化吸盤上塗上hand cream，再吸到牆上，吸盤就會回復吸力緊緊吸住！原理係因為吸盤老化後，表面會出現裂縫，令空氣灌入，導致吸附力下降！塗上乳液，填補裂縫，擠出空氣，就能恢復吸力。

8. 清潔皮製品

若不慎弄髒手袋或身上任何皮製品嘅話，hand cream就可以用嚟急救！喺紙巾塗上少量Hand cream清潔弄髒嘅位置即可抹去輕度污漬。此外，若發現皮具舊又唔想花錢買皮製品清潔劑，用布沾少量潤手霜再輕輕地摩擦皮具就能重拾光澤。擦鞋都得，怕鞋油味的女生們可以一試！緊記，人造皮革和起絨皮革不能使用潤手霜摩擦喔！

9. 減少靜電

秋冬季節由於天氣關係衣服好容易起靜電，取一點護手霜喺手搓一下，然後塗抹喺衣服上容易起靜電嘅地方，可避免因天氣過於乾燥被靜電電到。平日乾燥時好容易被「電擊」，塗點潤手霜在門柄、鐵面等高危位置就可減少被電到的機會！

10. 除毛

去除體毛嘅時候亦可以用護手霜，手邊無除毛膏的時候，就可以用護手霜代替。在除毛部位塗上薄薄的一層，因為護手霜本身有保濕成分，所以能給予皮膚保護。

11. 潤滑剪刀

剪刀用久了就會變「鈍」，可塗一點hand cream在剪刀刀鋒，擦拭上面累積的污垢，再用紙巾擦掉，再使用時就會發現沒有了於「卡住」的感覺，剪東西回復新買時的乾脆利落。