Homita - 搽Hand Cream六大地雷誤區 你中咗幾多樣?護手霜要按年齡同需求選購?
#美食十月
×
Quiz
Beauty
+
Body
+
Fun
+
Foodie
+
Me
Time
+
Shopaholic
+
Travel
+


  


搽Hand Cream六大地雷誤區 你中咗幾多樣?護手霜要按年齡同需求選購?
膚 Skin Care  |  by CASS  |  1 year ago   

好多時候,女人都樂意將錢投資到面部肌膚呵護上,卻冷落咗日夜操勞嘅雙手。其實手比臉衰老得更快!如果唔好好保護自己嘅雙手,邊有人想拖!所以貪靚美嘅女生,靚唔單止從妝容體現出嚟,雙手亦直接透露出你嘅生活態度同品味。

想呵護好雙手,就唔可以偷懶!好多女生對搽護手霜唔太了解,就等小編列出常見護手霜誤區,同大家做一啲關於手部護理嘅功課啦~

錯誤一:面霜當手霜用

面霜係唔可以替代手霜嘅,因為手部皮膚同臉部完全唔同,油脂腺汗腺嘅分布自然都截然不同。面霜係根據面部肌膚設計嘅,如果用面霜代替手霜,你會發現滋潤度同保濕力遠遠唔夠。

錯誤二:手霜當面霜用

而用手霜代替面霜就大件事,因為手霜清爽度不足,添加嘅某啲油性滋潤成分,唔單止唔會被臉部肌膚吸收,搽上臉會油亮亮,破壞臉部油脂平衡,仲有機會塞毛孔,生粒粒,所以小編都係建議大家唔好貪方便,喺唔同位置用翻相應產品。

錯誤三:用過期臉部保養品搽手

保養品一開封使用,已經接觸到環境中嘅微生物污染同空氣氧化,內含嘅有效成分會從新鮮期開始逐漸失去效能,一直到酸敗腐壞。過期嘅護膚品對於肌膚失去「加分」效果,氧化酸敗嘅油脂甚至會加速肌膚老化同刺激皮膚,對身體無益且有害。

錯誤四:洗手之後搽護手霜效果最好?

無錯,洗手後搽護手霜,可避免肌膚水分流失。但有啲手部肌膚比較敏感嘅人,經常洗手會為肌膚製造更多過敏、龜裂、發炎嘅機會,呢類人除咗接觸水之後應該搽護手霜之外,做家務或者接觸大量水之前,要先搽含有凡士林等具有防水效果嘅護手霜(如隱形手套作用),能夠加強手部肌膚嘅隔離防護。

錯誤五:我雙手好易出汗,搽護手霜會更加黏膩?

如果你擁有汗手,用護手霜仲要考慮一個關鍵要素,就係一定唔好用油脂類。如果你驚油膩感,選擇一啲清爽類嘅護手霜就夠啦。

錯誤六:價格越貴,就代表越好

判斷一款護手霜好唔好用,要感到搽上手後滋潤而不油膩,延展性好,易塗抹,皮膚感覺細膩光滑。同時具有長效保濕的效果,另外有一啲護手霜仲有防水效果,即使洗後或沾水後都能發揮滋潤功效。

手霜同面霜一樣,價格並唔係決定質量嘅唯一標準,選擇適合自己嘅護手霜最重要。所以要先了解自己嘅手,先可以選擇啱自己嘅護手霜類型。

保濕型

適合經常喺冷氣房,手部容易處於乾燥缺水狀態嘅上班族。保濕型護手霜主要含有吸水性保濕劑同保水型保濕劑兩種成分,喺防止水分流失嘅同時高度滋潤雙手。

防護型

適合經常做家務嘅人,雙手因接觸洗潔精、皂液等鹼性物質而變得粗糙。防護型護手霜嘅成分屬於油包水劑型,係防水性嘅護手霜。呢類護手霜亦適用於雙手暴露陽光下嘅人群,防護型嘅護手霜可以有效咁防止手部曬到出斑。

去角質型

適合較為粗糙嘅膚質,手部角質層十分發達,經常從事體力勞動嘅人,手部更易起角質。去角質型護手霜內含有嘅果酸成分同去角質顆粒可以令手部肌膚更加細滑。

年輕人選擇

青年人皮膚彈性好,恢復能力強,但成日喺辦公室對住電腦工作,冷氣房無濕氣,手部膚質會比較乾燥,所以可以選擇滋潤保濕型護手霜。含有蜂蜜、玫瑰水、乳油木果油、葵花籽油、金盞花油、夏威夷核果油、礦物油、凡士林呢啲成分,大家可以喺選購嘅時候睇睇產品說明書或者護手霜包裝。

中年人選擇

中年人平時可能做家務比較多,雙手容易變得粗糙,就更加要注重對手嘅保養,建議經常搽含有天然膠原及維生素E嘅護手霜,護手霜嘅果酸成分對鹼性物質有修復作用。另外,除咗要用護手霜,平時做家務嘅時候最好配合其他保護手段,如戴上手套。

老年人選擇

老年人嘅雙手就更加要注意保養啦,因為歲月嘅痕跡好容易就從手上細紋體現,人體最先老化嘅亦係雙手。可以選擇標註含有維生素C、洋甘菊嘅護手霜,呢類護手霜能夠延緩雙手衰老速度,而洋甘菊淡斑嘅功效如果護理得當可以有效防止「老年斑」生長。

如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
CASS

Editor

You May Also Like
This Week's Top Post
NIVEA Cream竟然咁好用 7種高效用法話你知
 - 2 years ago
頂級尊貴護膚美學 Lionesse尖沙咀店隆重開幕
Y小編 - 2 years ago
長期戴口罩令皮膚變差?必學9招抗敏護膚大法,解決暗瘡、黑頭粉刺問題!
CASS - 7 months ago
Kusabana登陸香港 探索獨有出雲溫泉水配方奧秘
Yung - 1 year ago
LANEIGE Dream Bubble Collection 節日限定系列 夢幻紫「泡泡」幸福摰禮
Suey - 1 year ago
全天候無死角女神形象 Tripollar STOP V射頻美容儀登陸香港
Y小編 - 1 year ago