韓國三大便利店龍頭CU、GS25、7-11,常常都會推出許多超吸睛嘅限定商品,唔只韓國人,就連外國遊客都紛紛搶購,而呢次韓國CU推出咗超可愛「小熊維尼蜂蜜柚子維他命C水」,而且共有10款唔同包裝,令所有維尼控都超想收集齊一套!
韓國健康食品品牌「고려은단」最近與迪士尼合作,推出聯承商品-小熊維尼版本蜂蜜柚子維他命C水,呢次嘅限定版係小熊維尼可愛設計包裝,換上檸檬綠配色,除咗卡通外觀,更附上勵志語錄:「幸福的日子每天都在」,望到都感到治癒。
傳統嘅維他命C水都會有怪藥味,但呢罐融合咗維尼最愛嘅蜂蜜、柚子,冰冰地飲用瞬間就感受到清新滋味,消暑清爽,又同時每支內含約一千毫克維他命C,非常適合怕被曬黑嘅女生,一天一支補充健康與美麗~
瓶子使用玻璃瓶,外觀望落極具質感,仲有一啲似韓國燒酒包裝!就連外盒包裝都超可愛,實在被萌到忍唔住拎一箱翻屋企~
因為係限定聯名商品,各位維尼控要好好把握機會,唔好錯過啦!大家去韓國旅遊嘅話記得買!
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like