放完聖誕假,又到左番學等放學嘅日子,唔想係學校日日以一個頹look示人,除左化啲妝,係髮型方面亦要落啲心機。每個女仔無論係你定我都有自己一套紮頭髮嘅技巧,馬尾、簡單嘅鬢辮……黎黎去去都係哩幾款,悶唔悶啲呀!想係心儀對象面前眼前一亮又無靈感嘅話,相信Instagram幫到你。
最近好多髮型師紛紛係Instagram上教人點樣輕鬆打造每個女仔都想要嘅日系髮型,今次小編就揾黎4位超人氣日本髮型師,絕對能夠讓妳365日紮住唔重複嘅百變可愛髮型。
浪漫隨意辮髮
有留意日劇或日本潮流嘅你,一定能夠認得哩種猶如公主般嘅後披式麻花辮。除了常見嘅Elsa頭,其實仲有Fish braid,French braid同Dutch braid,百變又具時尚感,配以閃閃嘅髮飾,仲會令造型變得更加有生命力添!
睇住片一步步整,其實幾簡單~
甜美公主頭
無論係卡通定係偶像劇中,嬌滴滴嘅女主角都總係綁住哩款甜美公主頭。雖然睇起黎簡單,但其實拿捏頭髮嘅手法相當重要,一唔小心就會好易顯老。假如想令成個頭睇起黎更加豐滿,可以係兩旁紮條麻花辮,然後係後腦處用一條橡筋蓬鬆地束住,提升髮型嘅甜美氣質。
優雅包包頭
丸子頭就見人紮得多,但若果想擺脫個份稚氣感,其實可以嘗試綁出一個低髮髻。低髻嘅綁法千變萬化,不妨係後腦處拉鬆一啲,可以令髮絲增加空氣感,係優雅中增添一分隨性慵懶感,簡直係同男生約會嘅必選!
想走在冬日時嘅尚尖端,快啲follow哩4位髮型師,學下點樣綁頭髮,係新一年打扮到連你所有嘅friend都羨慕啦!
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like
髮 Hair Style | by Y小編 | 6 years ago
髮 Hair Style | by Y小編 | 6 years ago
髮 Hair Style | by KK | 3 years ago
髮 Hair Style | by Y小編 | 4 years ago
髮 Hair Style | by Y小編 | 4 years ago
髮 Hair Style | by Suey | 4 years ago