各大吃貨嘅年度盛事美食博覽即將開鑼！除咗大家愛瘋搶嘅超值限定優惠、限定遊戲攤位之外，每年美食展都有參展商為大家嘅味蕾帶黎新鮮感！就等小編同大家睇下今年有咩創新美食啦！

#GO BEYOND 素食者都可以食肉！（3B-F07）

有唔少人都係因為健康先選擇素食，呢檔專賣肉類嘅攡位竟然全部都係素食！無論賣相、口感同味道都同真正嘅肉類非常相似，從此素俱者就多個美味又健康嘅選擇，亦都令人不再抗拒素食。

呢個雞塊真係幾可亂真，比小朋友食就最岩！

#Kansom澳州野生鮑魚 鮑魚手工啤你又試過未？（3B-B08）

Kansom係1985年已經創立，主要係做澳州野生鮑魚產品，可能你會覺得即食鮑魚周圍都買到，但佢地嘅野生鮑魚真係非常鮮美，非常值得一試！

最特別嘅就係佢地仲因應野生鮑魚推出鮑魚手工啤酒，分別有三種味道：青邊鮑魚珊瑚草手工啤酒、黑邊鮑魚金針菇手工啤酒同黑邊鮑魚黑松露手工啤酒，其中又以黑邊鮑魚黑松露手工啤酒味道最濃郁。呷一口鮑魚手工啤再食一啖野生鮑魚，真係非常享受～

＃手工抹茶蘋果啤酒、松露雪糕好滋味！（3B-A20）

松露控一定要食！含松露片嘅松露雪糕真係好吸引，估唔到松露加入雪糕之中一啲都唔突兀，反而更突顯出松露嘅香味~

至於手工抹茶蘋果啤酒就係由芬蘭果汁品牌BONNE同本地手工啤酒品牌「吹啤啤」聯手合作推出，以宇治抹茶和芬蘭蘋果汁釀製，係全港第一支Made in HK嘅抹茶手工啤。

其實今次都仲有好多新奇美食，例如放進冰格一晚即可食用嘅日本梅酒雪葩、古榭冰滴咖啡馬天尼酒心月餅（3B-C08）、棒棒蘿蔔糕（1B-A21）、冰雪爆谷（1C-E32）等等，大家入場千祈唔好錯過～