韓國國民牛奶 - 香蕉奶的品牌 Binggrae 빙 그 레 最近創意打造成全新口味的牛奶!推出「世上獨一無二的牛奶」口味 - 荔枝蜜桃口味!雖然網民指荔枝味比蜜桃味重,不過大部分都異口同聲表示口味清爽,而且非常夾!
Binggrae 以胖嘟嘟嘅可愛樽身,多元化口味牛奶,深受大眾喜愛,成為韓國國民飲品之一,去韓國旅遊一定要飲返支!除咗有人氣王香蕉奶同士多啤梨奶之外,仲有特別嘅哈蜜瓜奶同咖啡奶都係必飲之選!而今天Binggrae又推出限定口味嚟滿足大家嘅口癮啦~
Binggrae由上年2月開始,以「世界上獨一無二的牛奶」為主題,推出第一彈期間限定商品「桑葚牛奶」,以粉紫色包裝亮相,口味亦相當特別~
上年12月再度推出「世界上獨一無二的牛奶」第二彈,以70%原乳加上韓國柑橘0.05%同濟州島柑橘濃縮液60%特調嘅「柑橘牛奶」,再次大受好評!
今年終於迎嚟萬眾期待嘅第三彈!竟然係荔枝+蜜桃嘅夢幻組合「荔枝蜜桃牛奶」!外包裝仲要係2019年嘅Pantone色Living Coral,粉粉嫩嫩嘅珊瑚色,好多韓妹已經紛紛買嚟打卡!
由2019年2月20日開始於韓國各大便利店 (CU﹑GS25)有售,售價為1,400韓圜 (約港幣$10)。價錢咁親民,得閒經過便利店就買支飲都唔心痛!
有試過嘅網民指出一打開樽蓋就即刻聞到清新荔枝香,雖然蜜桃味比荔枝味稍淡,但飲多兩啖後蜜桃味會慢慢出現!
香港都可以試到啦! 不過,韓國以外嘅出口貨只能買到盒裝嘅Binggrae牛奶,如果想買到珊瑚色嘅胖嘟嘟樽身嚟打卡,就要搵代購,或者去韓國買~
蜜桃荔枝牛奶
開售日期: 2019年8月7日起
價錢: HK$16/2盒
地點:7-11便利店優先發售