除咗之前介紹過嘅曼秀雷敦珍珠奶茶潤唇膏，其實仲有其他甜食味潤唇膏嘅選擇～

日本Pure Smile品牌DELICIOUS LIP CREAM，顧名思義，就係以仿照美食香氣為概念推出嘅潤唇膏！潤唇膏包括有焦糖爆谷味、烤番薯味、蘋果批及熱香餅味等。用過嘅都大讚味道同真實食物超級相似，聞起上嚟可以激發食慾！

喺攰嘅時候食一啖甜食可以令你振奮精神，帶比女孩滿滿嘅幸福感，當然我哋無可能無時無刻都食，但擦嘴就無問題啦。呢個系列嘅潤唇膏唔單止有特別香味，而且有豐富保濕成份，當中包括蜂蜜、橄欖油同馬油等，絕對能滋潤長期被冷氣抽乾嘅嘴唇。無論係送禮定係自用都係一個好選擇！

佢哋仲曾經同不二家合作推出咗兩種口味嘅限定潤唇膏。分別係牛奶糖味同白桃果汁味！不二家牛奶糖嘅味道大家應該唔陌生，細個嘅時候估計食唔少，濃郁嘅牛奶味係其特色之一，包裝亦係仿照糖紙嚟設計嘅。

而呢個NECTAR白桃果汁就更加適合夏天啦！清新嘅桃子芳香令人忍唔住想舔舔～

Pure Smile喺每年夏天都會推出清新口味嘅潤唇膏，好似薄荷巧克力雪糕同梳打汽水口味，簡直係盛夏嘅必備產品。

咁吸引嘅產品一支售價都只係賣540円(約$39港幣)，性價比超高，十分抵買！DELICIOUS LIP CREAM 喺日本各大藥房有售，去開日本記得入手喇～