要數上年最受歡迎嘅年最受歡迎嘅聯乘化妝品系列,一定係韓國Holika Holika嘅牛奶妹聯乘系列,一口氣推出20款唔同種類嘅彩妝品,更係短短兩個星期內就賣斷市,可見系列嘅吸引程度!Holika Holika再度與不二家聯手推出牛奶妹系列第二彈,今次係 Holika Holika x Peko Sun 防曬系列!
夏季,最怕天氣熱、太陽猛,皮膚容易曬傷同曬黑,防曬對女仔嚟講係必不可少嘅。Holike Holika x 牛奶妹Peko 防曬系列有Cusion、防曬棒、滾輪BB霜,牛奶妹粉絲準備好掃貨未? 今次嘅包裝比上次更可愛更有創意!雪條同西瓜都係夏季最有代表性嘅消暑食品之一,而Holika Holika巧妙咁將呢兩款令人聯想到盛夏嘅食品打造成防曬系列。系列充滿夏天嘅感覺,包裝甜美精緻,令大家喺得到充分防曬之餘仲能夠滿足少女心~
Mild Sun Cusion SPF 45 PA+++ 13g 售價:16900 KRW
防曬提亮一take過嘅防曬氣墊粉餅,當中加入咗獨家Fruit UV Shield™ (蕃茄、西瓜、西柚、橙、杏桃、木瓜) 抗曬成分,令肌膚全天候都免於受到日曬傷害嘅威脅。此外,涂上臉上自然不死白、不黏膩,適合任何膚質使用。防曬氣墊粉餅質感柔滑,容易推開,令肌膚變得更加光澤亮麗。防曬氣墊適合素顏同時又想防曬嘅朋友,以氣墊形式印上臉,又可以當鏡用。
呢次聯名款嘅氣墊粉餅外殼將PEKO兄妹同狗狗全部放上去,一望到就會心情靚晒~ 氣墊粉餅蕊上面亦印咗PEKO嘅甜美模樣,到底邊個會捨得用~
Watermelon Ice Sun Stick SPF 50+ PA++++ 14g 售價:20000 KRW
為咗配合夏日清爽感覺,牛奶妹亦換上可愛夏日造型,雙丸子頭搭配愛心太陽眼鏡,再搭配西瓜圖案背景,根本十足十時下網美照咁~ 防曬棒嘅外觀設計似足一條西瓜雪條,既獨特又方便携帶,攞喺手,就好似平時食雪條咁,十分得意,出外用嘅時候相信能吸引唔少目光。
撕開包裝後,扭轉底部嘅雪條棍,就會發現粉嫩嫩嘅防曬膏體出現。聞起來仲有淡淡西瓜香味撲鼻而來,實在太逼真啦!做成西瓜雪條外型係有原因嘅,因為防曬棒有西瓜萃取成分,有幫助鎮定皮膚、保濕鎖水嘅效果。只要將西瓜防曬棒搽上臉就會即刻幫你肌膚降溫,你會感覺到臉上好似有被冰敷過嘅感覺!而且質感乾爽不油膩,簡直係為夏天度身訂造嘅防曬!
Face2Change Liquid Roller BB(共 2色) 30ml | SPF30 PA++ 售價:19000KRW
Roller BB特別嘅滾輪式設計,能夠令BB霜更緊點肌膚,令妝感更加均勻貼服。配方中更蘊含輕透粉末(Airlight Powder),令妝效能夠日夜維持不脫妝,時刻保持清爽,同時有效遮蓋毛孔及皺紋。加上摩洛哥堅果油、礦泉水、透明質酸、珍珠及珊瑚成分,令妝容透出bling bling閃耀亮澤。滾輪BB霜,能上臉時不沾手,一支就可以帶喺身邊隨時補妝。
產品詳情請留意Holika Holika官方網站~