最近日日都落雨，出去玩嘅心情都被大雨澆熄，不過其實香港仲有好多室內地方可以玩架，例如今日小編去嘅呢間空中棋園，大家可以係度玩到各式各樣嘅Board game，仲可以係度識下新朋友一齊玩添！

今次小編黎到空中棋園嘅銅鑼灣店，一出升降機就好似進入咗第二個世界咁，四方八面都係唔同嘅Board Game，好似一個小型博物館咁，好壯觀！

更加犀利嘅係，佢地唔止有得玩，有得上堂，仲出埋自家品牌嘅桌遊，據說係因為一款外國嘅Board Game停產，店主覺得非常可惜所以搵遊戲設計師重新打造一款遊戲，玩法更多樣化，仲可以合併２個遊戲比更多人參與添！

店內職員都好友善，會耐心教導大家玩遊戲～

今次小編就請佢地推薦咗幾款桌遊比大家，分為小朋友同大人嘅版本。

小朋友啱玩嘅遊戲大多都可以鍛鍊到佢地成長，包括思考能力、反應能力同團隊合作等待，畫風都明顯地比較可愛，玩法都好簡單，幼稚園就可以玩架啦！

呢如呢一款就係令所有玩家合力去捉住犯人狐狸先生，勝利係需要大家合力先做得到，對小朋友黎講真係好好嘅學習機會。

而呢一款則是考考玩家反應，老實講，分分鐘小朋友玩得比大人更好呢！

當然唔少得靚靚設計嘅遊戲，寶石隨住遊戲嘅推進而跌落，真係好靚啊！

而大朋友玩嘅多數都係同智慧有關，大家要通過一啲話術同推理去取得勝利，畫風都明顯比較成熟。

呢一款芝士大盜嘅玩法同狼人殺差唔多，不過就更加可愛，大家要合力搵出邊個係偷走芝士嘅老鼠。

玩完仲可以用打卡道具係度影返張相，店家好有心思整咗好多好可愛嘅打卡紙版，比大家係度留個紀念。

空中棋園

網站：http://eshop.jollythinkers.com/eshop/index.asp

地址及開放時間：http://eshop.jollythinkers.com/eshop/contact.asp